O‘zbekiston davlat san’at va madaniyat institutining grim san’ati ta’lim yo‘nalishida tahsil olayotgan talabalar uchun Turkiya Respublikasi mutaxassislari tomonidan mahorat darslari tashkil etiladi.
Oliygoh rahbariyati mazkur sohada faoliyat olib boruvchi tashkilotning mamlakatimizdagi vakillari bilan uchrashdi.
Uchrashuvda o‘zaro hamkorlik, shu jumladan, talabalarni xorijga yuborish masalalari muhokama qilindi.
Shu bilan birga, yaqin vaqt ichida Turkiya Respublikasidan grim sohasi mutaxassislari taklif etilib, mazkur yo‘nalishda tahsil olayotgan talabalar uchun master-klass o‘tkazilishi borasida kelishuvga erishildi.
