O‘zDSMI har yili butun dunyo boʻylab talabalarni qabul qilishga tayyor. Ushbu sahifa O‘zDSMI qabul jarayonlari va qiziqarli talabalik hayotini oʻz ichiga oladi.
1. O‘zbekiston vizasiga ega boʻlish
Agar Siz Oʻzbekiston fuqarosi boʻlmasangiz, O‘zDSMIda toʻliq kunlik o‘qishda qatnashish uchun Sizga talabalik vizasi kerak boʻladi. Oʻzbekistonga sayohat qilishdan oldin oʻz mamlakatingizda ushbu vizani olish uchun ariza topshirishingiz va vizaning koʻrib chiqilishi uchun yetarli vaqt ajratishingiz kerak. Qoʻshimcha maʼlumot olish uchun viza va immigratsiya boʻyicha markazlarga murojaat qiling.2. Turar joy
Bakalavr bosqichi talabalariga yotoqxonadan joy kafolatlanadi.
3. Institut bilan tanishuv
Xorijiy birinchi kurs talabalar uchun moslashish tadbirlari mahalliy oʻquvchilar bilan bir vaqtda boʻlib oʻtadi. Bunda siz institutning markaziy xizmatlari maslahatchilari bilan suhbatlashishingiz mumkin, shuningdek, bir qator viza taqdimotlari oʻquv yili boshida boʻlib oʻtadi. Shuningdek, Siz saytimizdan O‘zDSMIning akademik va ijtimoiy hayoti haqida maʼlumot olishingiz mumkin.
4. Toshkent aeroportidan institutimizga yoʻl topish
Institutimizga yoʻl topish yoʻriqnomasi institutga aeroport va temir yoʻl vokzalidan yetib borish haqida maʼlumot beradi. Institut xodimlariga kelish vaqtingiz haqida xabar berishingiz kerak boʻladi.
5. O‘zbekiston turmush tarziga moslashish
Boshqa davlatga oʻqishga kelish hayotingizdagi katta oʻzgarishdir. Esda tutingki, bu oʻtish davri hisoblanadi. Sababi boshqa madaniyatdagi hayotga moslashish uchun vaqt kerak boʻlishi tabiiy. Bu yerdagi madaniyat bilan tanishish imkoniyatidan foydalaning (xabarlarni oʻqish, televizor tomosha qilish, boshqalar bilan suhbatlashish). Xuddi shu madaniyatga ega boʻlgan odam bilan vaqt oʻtkazish ham jarayonga moslashishingizga yordam beradi.
6. Roʻyxatdan oʻtish jarayoni
Baʼzi mamlakatlardan kelgan talabalar pasportlarini skanerdan oʻtkazishlari yoki kelganidan keyin tegishli idoralardan roʻyxatdan oʻtishlari kerak boʻlishi mumkin. Batafsil maʼlumot uchun Xalqaro aloqalar boʻlimimizga tashrif buyuring. |
