Bugun O‘zbekiston davlat san’at va madaniyat institutida prorektorlar, bo‘lim boshliqlari, fakultet dekanlari, yoshlar bilan ishlash bo‘yicha dekan o‘rinbosarlari, kafedra mudirlari ishtirokida rektor boshchiligida navbatdagi yig‘ilish o‘tkazildi.
Unda kutubxona fondlari va bibliografiyashunoslik kafedrasi tashabbusi bilan mart oyida o‘tkazilishi kutilayotgan xalqaro konferensiyaga tayyorgarlik jarayoni, ijro intizomi, kontrakt-to‘lovlar holati, xalqaro hamkorlikda amalga oshirilayotgan ishlar va boshqa masalalar muhokama qilindi.
Shu bilan birga, Navro‘z bayrami hamda O‘zbekiston xalq shoiri Muhammad Yusuf tavalludining 70 yilligini keng miqyosda nishonlash borasida takliflar tinglanib, mas’ullarga topshiriq berildi.
