Bugun O‘zbekiston davlat san’at va madaniyat instituti rektori, professor Nodirbek Sayfullayev rahbarligida institut Kengashining navbatdan tashqari yig‘ilishi bo‘lib o‘tdi.
Kengash kun tartibida ilmiy unvon olish uchun Oliy attestatsiya komissiyasiga yuborilgan hujjatlarda aniqlangan kamchiliklar va ularni bartaraf etish bo‘yicha belgilangan chora-tadbirlar, ilmiy unvon olish uchun Oliy attestatsiya komissiyasiga hujjatlarni yuborish, ilmiy tadqiqot ishlarining samaradorligini takomillashtirish, “San’atshunoslik va madaniyatshunoslik” kafedrasi tomonidan tayyorlangan grand loyihani Innovatsion rivojlantirish agentligiga yuborish kabi institut hayotiga aloqador bir qator masalalar muhokama qilindi.
❗️Kun tartibidagi masalalar yuzasidan mutasaddilarning axborotlari tinglandi hamda barcha mas’ullarga tegishli topshiriqlar berildi.
Kengash qaroriga asosan institut axborot resurs markazida dissertatsiya fondini tashkil etilishi, dissertatsiyalarni ro‘yxatga olish qayd daftari yuritilishi, tadqiqotchilarga dissertatsiyani ro‘yxatga olinganligi yuzasidan ma’lumotnoma berilishi, professor-о‘qituvchilarning ilmiy unvon uchun tayyorlagan hujjatlari kafedra majlisida tahliliy muhokamadan о‘tkazilishi, kafedra muhokamasidan о‘tgan hujjatlar kafedra mudirining tavsiyanomasi bilan institut Kengashida kо‘rib chiqish uchun taqdim etilishi, hujjatlarning xatosiz hamda sifatli (imlo va texnik xatolarsiz, Nizom talablari asosida) tayyorlanishi uchun kafedra mudirlarining mas’ul ekanligi, kafedra mudirlari, fakultet dekanlari tomonidan imzolanib, tasdiqlangan hujjatlarda kamchiliklar aniqlangan holatlarda institut Kengashiga tanqidiy muhokama uchun qо‘yilishi, ilmiy unvonlar uchun taqdim etilayotgan maqolalar, adabiyotlar antiplagiat dasturidan о‘tkazilishi hamda ma’lumotnomasi bilan birga topshirilishi, professor-о‘qituvchilar xorijiy tillarda chop etilgan maqolalarni о‘zbek tiliga tarjima qilib, о‘z muallifligi ostida va bir maqolani turli jurnallarda chop ettirmasligi, sun’iy intellekt dasturi asosida maqolalar tayyorlanishiga va antiplagiat foizi kо‘tarilishiga yо‘l qо‘ymasligi kerakligi belgilandi.