Bugun O‘zbekiston davlat san’at va madaniyat instituti jamoasi tomonidan Toshkent shahri Mirzo Ulug‘bek tumanida joylashgan hududda yurtimizda davom etayotgan «Yashil makon» umummilliy loyihasi bo‘yicha kuzgi daraxt ekish mavsumida 200dan ortiq ko‘chat o‘tqazildi.
Tadbirda institut rahbariyati, taniqli san’at arboblari hamda tuman hokimligi vakillari bevosita ishtirok etdi.
«Xalqimizda ‘Yaxshidan bog‘ qoladi’, degan naql bor. Biz ham tabiatni asrab-avaylash hamda kelajak avlodning sog‘lom hayot kechirishi uchun o‘z hissamizni qo‘shishni maqsad qilganmiz. Barpo etilayotgan mazkur bog‘da xalqimiz suygan taniqli san’atkorlar, professor-o‘qituvchilarimiz ham jonbozlik ko‘rsatayotgani kishini behad quvontiradi. Nihollar parvarishi uchun mas’ullar tayilangan. O‘ylaymanki, mazkur hudud kelgusida ulkan bog‘ga aylanadi va bu bizda faxr tuyg‘usini uyg‘otadi» — dedi institut rektori v.b. Eldor Shermanov.
Eslatib o‘tamiz, ushbu xayrli tadbir ishtirokchilari uchun doshqozonda osh damlanib, konsert dasturi tashkil etiladi.
