![](https://dsmi.uz/wp-content/uploads/2024/08/2-9-1210x642.jpg)
«Abdulla Oripov», “Puankare” kabi qator badiiy filmlar rejissyori, O‘zbekiston davlat san’at va madaniyat institutining kino, televideniye va radio rejissyorligi kafedrasi o‘qituvchisi Muzaffarxon Erkinov Yevropa kino tashkilotlari tomonidan “faxriy akademik” unvoni bilan taqdirlandi.
Shuningdek, rejissyor Bolgariya kino, televideniye va internet akademiyasi bosh mukofoti — GRAN-PRI, “Eng yaxshi rejissyorlik ishi”, «Eng yaxshi operatorlik ishi” va “Eng yaxshi ssenariy” mukofotlariga ham loyiq ko‘rilgan.
«Faxriy akademik» unvoni Bolgariya kino, televideniye va internet akademiyasi, Yevropa audiovizual san’at assotsiatsiyasi, Parij Yevropa kino akademiyasi ESRA Skope audiovizual san’at universiteti (Skope – Parij – Nyu-York) tomonidan taqdim etildi.
Bolgariya poytaxti Sofiya shahrida joriy yilning sentyabr oyida bo‘lib o‘tadigan kino-telefestivalning yopilish marosimida mazkur unvon o‘z egasiga topshiriladi.