Iqtidorli yoshlarning mantiqiy bilimlarini oshirish, intellektual salohiyatini yuksaltirish maqsadida 2022-yil 23-aprel kuni O’zbekiston davlat san’at va madaniyat instituti Yoshlar ittifoqi boshlang’ich tashkiloti tashabbusi bilan kunduzgi va sirtqi ta’lim yo’nalishi talabalari o‘rtasida “Zakovat” intellektual musobaqasi bo‘lib o‘tdi.

Ushbu musobaqani O’zbekiston davlat san’at va madaniyat instituti prorektori Eldor Shermanov va rektor maslaxatchisi Alisher Ishchanovlar ochib berdi. Tadbirda so’z olganlar intellektual o‘yinlarni nafaqat yoshlar, balki aholining barcha qatlamlari o‘rtasida targ‘ib qilish, ushbu o‘yinlarni ommaviy-ma’rifiy harakatga aylantirish bugungi kun uchun dolzarb ahamiyat kasb etishiga alohida urg’u berildi.

Musobaqa natijalariga ko’ra Renessans jamoasi g’oliblikni qo’lga kiritdi. Endilikda har haftaning shanba kunlari Zakovat intellektual musobaqasi an’anaviy tarzda o’tkaziladi.