1

Xalq ijodiyoti fakulteti rahbariyati, professor-о‘qituvchilari tomonidan yana bir xayrli ishga qо‘l urildi


Saxovatpeshalik, ehtiyojmand kishilarni qо‘llab-quvvatlash, muhtojlarga yordam kо‘rsatish azaldan xalqimizga xos udumlardan biri.

Bugungi kunda ham О‘zbekiston davlat san’at va madaniyat instituti rektori Ibrohim Yо‘ldoshevning tashabbusi bilan ushbu an’analarga sodiq qolingani holda mehr-muruvvat tadbirlari davom ettirilib kelinmoqda.

Barchamiz uchun muqaddas bо‘lgan Ramazon oyida talabalar turar joyida yashaydigan о‘g‘il-qizlar uchun iftorlikka an’anaviy ravishda tuxum tarqatish tadbirlari amalga oshirildi. Bundan tashqari qо‘y sо‘yilib, doshqozonlarda oshlar damlanib, talabalarning iftorlik dasturxoniga tuhfa qilindi.
Ushbu an’ana davom ettirilib, bugun Xalq ijodiyoti fakulteti rahbariyati, professor-о‘qituvchilari tomonidan yana bir xayrli ishga qо‘l urildi.

Saxovatpesha jamoa tomonidan ikkita qо‘y sо‘yildi. Qopda guruch olib kelindi. О‘zbekiston davlat san’at va madaniyat instituti rektori Ibrohim Yо‘ldoshev tashabbus bilan yо‘lga qо‘yilgan an’anaga kо‘ra, ushbu oziq-ovqat mahsulotlari muqaddas Rо‘zai Ramazon kunlarida institutda faoliyat olib borayotgan ishchi- xodimlarga bepul tarqatildi.

Maqsad– ularning iftorlik dasturxoni tо‘kinligiga imkon qadar yordam berish, tobora yaqinlashib kelayotgan Ramazon bayramida kо‘ngillarini kо‘tarish, qalblariga xursandchilik ulashish.

 

Matbuot kotibi