Bugun Oliy ta’lim, fan va innovatsiyalar vazirligi mutasaddilari O‘zbekiston davlat san’at va madaniyat instituti talabalar turar joyi faoliyatini o‘rgandi.

Mutasaddilar yotoqxonada talabalar uchun yaratilgan shart-sharoitlar, kutubxona, sport majmuasi, oshxona va boshqa xonalarni ko‘zdan kechirdi.

Shuningdek, anomal sovuq kunlarida xonalardagi harorat holati baholandi.

Qayd etish joiz, qishki ta’til davridan so‘ng institut talabalar turar-joyi yigit-qizlarni qabul qilishga shay holatga keltirilgan. Shu bilan birga, talabalar institutda tashkil etilgan to‘garaklar, sport mashg‘ulotlarida ishtirok etishi va kutubxonadan foydalanishlari mumkin.