O‘zbekiston davlat san’at va madaniyat instituti rektori, professor Ibrohim Yuldashev Xalq ijodiyoti fakulteti 1-bosqich talabalari bilan uchrashuv o‘tkazdi.

Uchrashuv davomida oliygoh rektori oliy o‘quv yurtlariga kirish imtihonlaridan muvaffaqiyatli o‘tgan birinchi bosqich talabalarini tabrikladi hamda kelgusida ham ularning shunday shijoat bilan ilm olishda va izlanishda davom etishlarini tiladi.

Shuningdek, Ibrohim Yuldashev bugungi kunda xotin-qizlarga yaratilayotgan imkoniyatlar haqida to‘xtalib o‘tdi. Shu jumladan, magistratura bosqichiga qabul qilingan xotin-qizlarning kontrakt puli davlat tomonidan qoplab berilishi ta’kidlandi.

Qolaversa, rektor tomonidan xorijiy tillarni o‘rganish borasida alohida mulohaza bildirildi. Xorijiy tillarni o‘zlartirish barcha davrning talabi bo’lgani, birgina Is’hoqxon Ibratning o‘zi 9 ta xorijiy tilda so‘zlasha olgani aytib o‘tildi.

Uchrashuv so‘ngida talabalar o‘zlarini qiziqtirgan savollarga javob oldi. Talabalarda kuzatilayotgan muammolar yuzasidan mas’ul xodimlarga vazifa va topshiriqlar berildi.