Sarvar Raimberdiyev turnirdagi ishtiroki, nega bu oliygohni tanlagani, chempionlik siri, amalga oshmay qolgan ilk orzusi haqida fikr bildirdi

Sarvar Raimberdiyev turnirdagi ishtiroki, nega bu oliygohni tanlagani, chempionlik siri, amalga oshmay qolgan ilk orzusi haqida fikr bildirdi

O’zbekiston davlat san’at va madaniyat instituti 2-bosqich talabasi, futbol jamoamiz sardori Sarvar Raimberdiyev turnirdagi ishtiroki, chempionlik haqida o’z fikrlari bilan o’rtoqlashdi.

– Futbolga sizni kim qiziqtirgan?
– Futbolga olilaviy qiziqish bo’lgan. Dadam, amakilarim yoshligidan shu sport turi bilan shug’ullangan. “Qonda bor” deyishadi-ku, menga ham qiziqish ulardan o’tgan bo’lsa kerak. Birinchi murabbiyim – amakim Jabborov Otajon. 8 yoshimdan to’p tepishni boshlaganman.

– Nega aynan Madaniyat institutini tanlagansiz?
– Aslida bu oliygohda o’qish xayolimda yo’q edi. O’zbek tili va adabiyoti yoki Pedagogika universitetida o’qishni maqsad qilgandim. Taqdirimga shu dargoh bitilgan ekan. Har qanday joyda mehnat qilgan kishi qadr topadi.

– Sardorlik mas’uliyati haqida fikr bildirsangiz.
– Buning mas’uliyati katta. Jamoada mendan kuchliroq, aqlliroq, yoshi kattaroq bo’lgan futbolchilar bor. Lekin bunday o’yinchilarni birlashtirishning o’zi bo’lmaydi. Eng muhimi, jamoada ichki muhit yaxshi.
Sarvar Raimberdiyev turnirdagi ishtiroki, nega bu oliygohni tanlagani, chempionlik siri, amalga oshmay qolgan ilk orzusi haqida fikr bildirdi
– Qanday oilada tug’ilib o’sgansiz?
– Oddiy oilada voyaga yetganman. Oilamizda ilm qadrlanadi. Dadam bog’bon, onam esa o’qituvchi.

– Chempionlikka nimaning hisobiga erishdingiz?
– Ilk navbatda, bizda ichki muhit ajoyib. Yigitlarning hech biri o’zini boshqadan ustun qo’ymaydi. Bir-biriga quloq tutadi. Yana bir jihat, biz har o’yinga “Bugun yoki hech qachon” shiori ostida final singari yondashdik.
Sarvar Raimberdiyev turnirdagi ishtiroki, nega bu oliygohni tanlagani, chempionlik siri, amalga oshmay qolgan ilk orzusi haqida fikr bildirdi
– Institut rahbariyati musobaqa oldidan mukofot va’da qilganmidi?
– Turnir avvalida rektorimiz bilan uchrashuv o’tkazgandik. Bizga yirik mukofot va’da qilishdi. Biroq mukofot biz uchun ikkinchi darajali masala. Birinchi navbatda, institut sha’ni uchun kurashdik.

– Murabbiy haqida nima deya olasiz?
– 116 ta oliygoh ichida yagona ayol murabbiy bizda edi. Dilorom Tavakulovnaga alohida minnatdorchilik bildiramiz. Ustozimiz jamoaga motivatsiya bag’ishladi.
Sarvar Raimberdiyev turnirdagi ishtiroki, nega bu oliygohni tanlagani, chempionlik siri, amalga oshmay qolgan ilk orzusi haqida fikr bildirdi
– Agar imkon bo’lsa, professional futbol bilan shug’ullanarmidingiz?
– Menimcha, har qanday havaskor o’yinchi buni orzu qilsa kerak. Bu yoshlikda ushalmay qolgan dastlabki orzuyim sanaladi.

– Sovrin yoki institut sha’ni, qay birini tanlaysiz?
– Taqdirlanish yomon narsa emas, lekin sha’nimiz birinchi darajada turadi.
Sarvar Raimberdiyev turnirdagi ishtiroki, nega bu oliygohni tanlagani, chempionlik siri, amalga oshmay qolgan ilk orzusi haqida fikr bildirdi
– Respublika bosqichi haqida nima deya olasiz?
– Jamoamizda kayfiyat a’lo darajada. Natija uchun kafolat berolmayman, muhimi, bosimiz o’yin namoyish etamiz. Xudo xohlasa, yaxshi natijaga erishamiz.

image_pdfimage_print