1

O‘zDSMIga Moskva davlat madaniyat instituti vakillari tashrif buyurdi

O‘zDSMIga Moskva davlat madaniyat instituti vakillari tashrif buyurdi

Bugun O‘zbekiston davlat san’at va madaniyat institutiga Moskva davlat madaniyat instituti rektori vazifasini bajaruvchi Yekaterina Kudrina, Moskva davlat madaniyat institutining fanlararo madaniyatni o‘rganish markazi direktori, professor Natalya Gendina hamda “Kitobxonlikni rivojlantirish” assotsiatsiyasi ijrochi direktori Anjela Lebedeva tashrif buyurdi.

Tashrif davomida mehmonlar O‘zbekiston davlat san’at va madaniyat instituti tomonidan amalga oshirilayotgan ishlar, ta’lim jarayonlari bilan tanishtirildi. Jumladan, ular oliygohning ijodiy ustaxonalaridagi dars jarayonlarini bevosita kuzatdi hamda professor o‘qituvchilar va talabalar bilan suhbat olib bordi.

Rossiyalik mehmonlar institutda yaratilgan sharoitlardan hayratda qolganini ta’kidlashdi.

Uchrashuv davomida ikkala oliy ta’lim muassasalari rahbariyati tomonidan o‘zaro hamkorlik qilish bo‘yicha kelishuvga erishildi hamda mehmonlarga O‘zbekiston davlat san’at va madaniyat instituti tomonidan esdalik sovg‘alari topshirildi.

Moskva davlat madaniyat instituti haqida ma’lumot