Bugun O‘zbekiston davlat san’at va madaniyat instituti rektori, professor Ibrohim Yuldashev Teatr san’ati fakultetining birinchi bosqich talabalari bilan uchrashdi.

Uchrashuv davomida oliygoh rektori talabalarni imtihonlardan muvaffaqiyatli o‘tgani bilan tabrikladi hamda ularning kelgusi faoliyatida omad tiladi. Shuningdek, Ibrohim Yuldashev talabalarga yaratilgan shart-sharoitlar bilan tanishdi hamda kamchiliklarni bartaraf etish yuzasidan topshiriqlar berdi.

Qolaversa, birinchi bosqich talabalarining turar joy bilan ta’minlashiga ko‘maklashish asosiy vazifalardan biri ekanligi ta’kidlandi hamda ularga sifatli bilim berish masalasining dolzarbligi aytib o‘tildi.

Uchrashuv yakunida talabalar o‘zlarini qiziqtirgan savollar yuzasidan javob olishdi hamda mas’ul xodimlarga kerakli topshiriqlar berildi.