Bugun O‘zbekiston davlat san’at va madaniyat instituti rektori v.b. Eldor Shermanov “Yangi O‘zbekiston” bog‘ida Navro‘z umumxalq bayramiga tayyorgarlik ko‘rayotgan talabalarimiz holidan xabar oldi.

Tashrif davomida rektorimiz mazkur tantanali bayramda ishtirok etayotgan institutimiz talabalari bilan uchrashib, shunday ulug‘ ayyomga o‘z hissalarini qo‘shayotgani uchun ularga minnatdorchilik bildirdi.

Shuningdek, talabalar tomonidan bildirilgan muammo va takliflar tinglandi hamda ushbu yoshlar mehnatiga munosib taqdirlanishi aytib o‘tildi.

Eslatib o‘tamiz, “Yangi O‘zbekiston” bog‘idagu Navro‘z umumxalq bayrami 21-mart kuni bo‘lib o‘tadi.