Bugun O‘zbekiston davlat san’at va madaniyat instituti Ilmiy kengashining navbatdagi yig‘ilishi bo‘lib o‘tdi. Unda qator masalalar muhokama qilindi.
Dastab institut rahbariyati tomonidan Nigora Boynazarovaga filologiya fanlari bo‘yicha falsafa doktori ilmiy unvoni olgani munosabati bilan minnatdorchilik bildirildi hamda esdalik sovg‘alari topshirildi.
Ilmiy kengashda bir qator masalalar, jumladan:
– O‘zbekiston Respublikasi Prezidentining Farmonlari, Farmoyishlari va topshiriqlari, O‘zbekiston Respublikasi Vazirlar Mahkamasining qarorlari va bayoni, Vazirliklarning buyruqlari va topshiriqlarining bajarilishi to‘g‘risida;
– Kafedra professor-o‘qituvchilarining Scopus va Sciense Direct xalqaro ilmiy-texnik ma’lumotlar bazasidan foydalanishi va impakt-faktorga ega jurnallarda ilmiy maqolalar chop ettirishi, ilmiy-ijodiy ishlanmalarni tijoratlashtirish borasida olib borayotgan ishlari to‘g‘risida;
– Doktorantlarning yillik hisoboti, monitoring natijalari, kursdan-kursga o‘tkazish masalalari to‘g‘risida;
– Ta’lim jarayonida AKTdan foydalanilish holati;
– Muhammad Yusuf hayoti va ijodini o‘rganish, targ‘ib qilish bo‘yicha bajarilgan ishlar to‘g‘risida;
– Institut bitiruvchilariga bo‘lgan ehtiyoj va ularni ishga joylashtirish to‘g‘risida va boshqa masalalar yuzasidan axborot va hisobotlar tinglandi hamda Ilmiy kengash tomonidan tegishli xulosalar chiqarilib, kamchiliklar yuzasidan mas’ul xodimlarga topshiriqlar berildi.
