1

O’zbekiston Respublikasi Madaniyat vaziri O’zDSMIdagi ijodiy imtihon jarayonlarini ko’zdan kechirdi


Kuni kecha O’zbekiston Respublikasi Madaniyat vaziri Ozodbek Nazarbekov O’zbekiston davlat san’at va madaniyat institutida bo’lib o’tayotgan kasbiy (ijodiy) imtihonlarni ko’zdan kechirdi.

Ijodiy imtihonlar o’tkazilayotgan auditoriyalarga kirib, komissiya a’zolari bilan, qolaversa, abituriyentlar bilan ham suhbatlashdi.

Yuqori tayyorgarlikda va shaffoflikda tashkil etilgan imtihon jarayonlari, karantin qoidalariga rioya qilinganlik holatidan mamnun bo’ldi.

Ayniqsa madaniyat va san’at sohasiga qiziquvchi yoshlar va ularning tayyorgarlik darajasi vazirimizni quvontirdi.

Suhbat davomida madaniyat va san’at sohasidagi islohotlarni jadal davom ettirish, ushbu sohaga yetuk, malakali kadrlarni tayyorlash bugungi kundagi muhim masalalardan ekanligini ta’kidladilar.

 

Matbuot kotibi