1

“Karyera kuni” tashkil etildi

"Karyera kuni" tashkil etildi

Oʻzbekiston Respublikasi Prezidentining 2022-yil 4-martda oʻtkazilgan “Oliy taʼlim muassasalari talabalari bandligini taʼminlash orqali ularning turmush darajasini yaxshilash chora-tadbirlari va oliy ta’lim muassasalari talabalariga darsdan boʻsh vaqtlarida ish bilan band qilish tadbirlari toʻgʻrisida”gi videoselektor yigʻilishida belgilab berilgan vazifalarning ijrosini taʼminlash maqsadida joriy yilning 13-may kuni O‘zbekiston davlat san’at va madaniyat instituti marketing va talabalar amaliyoti bolimi va barcha fakultetlar hamkorlikda “Karyera” kuni tashkil qilindi. Ushbu tadbirda madaniyat tizimidagi bir qator ish beruvchi tashkilotlar ishtirok etishdi. Talabalar esa o’zlariga ma’qul bo’lgan korxona va tashkilotlar bilan kelishuvga erishishdi.

Tadbir yakunida konsert dasturi ham tashkil qilindi. Konsert dasturini O’zbekiston davlat sanat va madaniyat instituti rektori, filologiya fanlari doktori, professor Ibrohim Jo’rayevich Yuldashev ochib berdi. O’z nutqida professor Ibrohim Yuldashev bugun mamlakatimizda talaba yoshlarga yaratib berilayotgan imkoniyatlar haqida alohida to‘xtalib o‘tdi. Umuman olganda, ushbu tadbir talabalar uchun kelajakda jamiyatda o‘z o‘rinlarini topishda muhim ahamiyat ega bo‘ldi desak aslo mubolag‘a bo‘lmaydi.