O‘zbekiston davlat san’at va madaniyat institutiga Oliy va o‘rta-maxsus ta’lim vazirligi Ma’naviy-ma’rifiy ishlar boshqarmasi boshlig‘i Laziz Mingishov boshchiligidagi vazirlik ishchi guruhi tashrif buyurdi.


Tashrif davomida ishchi guruh oliygohda yangi o‘quv yili boshlanishidan avval yaratilgan shart-sharoitlar, jumladan, o‘quv binolari hamda talabalar turar joyini ko‘zdan kechirdi.

Eslatib o‘tamiz, yangi o‘quv mavsumi ertaga, 5 sentabrdan boshlanadi. Talabalarni o‘rin-joy bilan ta’minlash maqsadida talabalar turar joyi o‘z faoliyatini boshlagan va allaqachon ko‘plab boshlang‘ich bosqich, qolaversa, chin yetim va nogironligi bo‘lgan o‘quvchilarni qabul qilmoqda.




Mazkur ilm dargohiga tashrif buyurgan talabalar va ularning ota-onalari bilan suhbatlar tashkil etildi. Ularning ta’kidlashicha, institutning xushmanzara tabiati, hamda talabalar ta’lim olish uchun chiroyli va mo‘’jaz, shu jumladan, Muhammad Yusuf ko‘shki tashkil etilgani ajoyib taassurot qoldirgan. Shu bois, ota-onalar farzandlarining shunday maskanda ta’lim olishlaridan mamnun bo‘lishmoqda.



Vazirlik ishchi guruhi yangi o‘quv yiliga tayyorgarlik jarayonlarini ko‘zdan kechirib, bunga yuqori baho berdi.