Joriy yilning 25-fevral kuni Turkiya Respublikasining O‘zbekistondagi Favqulodda va muxtor elchisi Olgan Bekar О‘zbekiston davlat san’at va madaniyat institutiga tashrif buyurdi.

Mehmon dastlab, ta’lim dargohida yaratilgan shart-sharoitlar, bu maskanda olib borilayotgan ilmiy izlanishlar, amalga oshirilayotgan ishlarning samaradorli bilan yaqindan tanishdi.


Inson manfaatlari oliy qadriyat darajasiga ko‘tarilgan mamlakatimizda milliy ma’naviyatimizni yuksaltirish, ulug‘ ajdodlarimizning o‘lmas merosini o‘rganish hamda targ‘ib etish, uning mazmun-mohiyatini yoshlarimiz ongu shuuriga singdirishga alohida e’tibor qaratilmoqda, – dedi О‘zbekiston davlat san’at va madaniyat instituti rektori, filologiya fanlari doktori, professor Ibrohim Yо‘ldoshev. – Keyingi yillarda yurtimizda uztoz-murabbiylarning mehnatini qadrlash, ta’limning sifatini, samaradorligini oshirish borasida barcha shart-sharoitlar yaratilmoqda. Bu oliy ta’lim dargohida san’at, madaniyat sohalarining ilm yo‘lidagi mashaqqatli mehnat sirlaridan bahramand bo‘lgan, ko‘plab ustoz-murabbiylar faoliyat yuritishadi.

Pedagoglar el-yurtga ma’rifat ulashib, ma’naviyat chashmasidan bahramand etib, odamlarning izzat-ikromiga sazovor bo‘lmoqda.

Elchi janoblari Olgan Bekar O‘zbekistonda amalga oshirilayotgan keng ko‘lamli islohotlarni qo‘llab-quvvatlashini taʼkidlab, ushbu jarayonlarda yangicha fikrlaydigan kadrlarga ehtiyoj yuqoriligini aytib o‘tdi.

Institut rahbariyati, professor-о‘qituvchilar ishtirokida o‘tkazilgan o‘zaro samimiy muloqot davomida tomonlarni qiziqtirgan masalalar bo‘yicha mulohazalar bildirildi.