Himoya avvalida institut rektori, professor Nodirbek Sayfullayev har bir sohaning taraqqiyoti uning ilmiy jihatdan qanchalik keng tadqiq etilganiga chambarchas bog ‘liq ekanligini alohida qayd etdi. Shuningdek, institutda ham bu borada qilinayotgan ishlarga alohida to’xtalib o’tdi.

Ma’lumot o’rnida aytish joizki, 2024-yilga nazar tashlaydigan bо‘lsak, professor-о‘qituvchilarimiz 4 ta professor, 21 ta dotsent, jami – 25 ta ilmiy unvonga, 2025-yilning yanvar-fevral oylarining о‘zida 3 ta professor, 7 ta dotsentlik jami – 11 ta ilmiy unvonga ega bо‘ldilar. 2024 yil 1 ta DSc, 12 ta PhD himoyasi о‘tkazildi.

Ilmiy Kengashda dastavval Dо‘sanov Rahimjon Raimqulovichning 17.00.01 – Teatr san’ati ixtisosligi bо‘yicha “О‘zbekistonda “bir aktyor teatri”ning shakllanishi va uning badiiy asoslari” mavzusida san’atshunoslik fanlari bo‘yicha falsafa doktori (PhD) ilmiy darajasini olish uchun yozilgan dissertatsiya himoyasi o’tkazildi.

Ilmiy tadqiqot ishida quyidagi ilmiy yangiliklar asoslab berilgani ta’kidlandi: O‘zbekistonda “Bir aktyor teatri”ning paydo bo‘lishi va rivojlanishida qadimgi davrning yakka ijrosi, baxshilar bir aktyor teatri (VII-IX asrlar), an’anaviy teatrdagi masxaraboz va qiziqlar bir aktyor teatri (XVIII-XIX asr), badiiy yaxlit shakldagi bir aktyor spektakli (XX asr), bir aktyor teatrining 3D formatdagi gologramma shakli (XXI asr) kabi bosqichlari aniqlanganligi;
“Bir aktyor teatri” spektaklini ijro etgan aktyorlarning repertuarlari, ular ijrosidagi dostonlar, yakka ijrodagi tomoshalar, XX asrdagi she’riy kompozitsiyalar, bir aktyor ijrosidagi spektakllar dramaturgiyasining badiha, grotesk kabi badiiy-g‘oyaviy jihatlari, rejissyorning o‘ziga xos ramziy, metafora, gologramma kabi uslublari aniqlanganligi;
2019-yil Markaziy Osiyoda ilk bor zamonaviy 3D formatdagi gologramma teatri O‘zbekistonda tashkil etilgani va bu yo‘nalish bilan texnologiyalar imkoniyatidan foydalanib, yot g‘oyalarga qarshi immunitetni mustahkamlash mumkinligi “Buyuk Temur” nomli spektakl namoyishi misolida isbotlanganligi;
milliy “Bir aktyor teatri” – davr talabidagi g‘oyaviy jihatdan puxta repertuarni tezkor yarata oladigan, aktyorning serqirra mahoratini namoyon qiladigan, ko‘chib yurishga qulay ijod maskani ekanligi, o‘z g‘oyaviy repertuari bilan milliy iftixor hamda g‘ururni mustahkamlaydigan, vatanparvarlik tuyg‘ularini rivojlantiradigan, yoshlarni yot g‘oyalardan himoyalaydigan spektakllar namoyish eta olishi dalillanganligi.

Dissertantning ishi falsafa fanlari nomzodi, professor Mamur Umarov ilmiy rahbarligida tayyorlangan.

✔️Dissertasiya ishi muvaffaqqiyatli himoya qilindi.

Sharqona yangi yil boshlanadigan qutlug‘ kun – Navro‘zi olam asrlar davomida bahor, ezgulik, mehr-oqibat, mehnat va bunyodkorlik ramzi sifatida el-yurtimizning ijtimoiy-ma’naviy hayotida beqiyos o‘rin tutib kelmoqda.

2025-yilgi Navro‘z bayrami «Qadriyatlaring boqiy bo‘lsin, Navro‘z!» shiori ostida nishonlanadi. Ayni paytda yurtimizda O‘zbekiston Respublikasi Prezidentining joriy yil 21-fevralda qabul qilingan “2025-yilgi Navro‘z umumxalq bayramiga tayyorgarlik ko‘rish va uni o‘tkazish to‘g‘risida“gi qarori asosida ushbu ayyomga tayyorgarlik davom etmoqda.

E’tiborli jihati, mazkur shodiyonalarga tayyorgarlik jarayonlarida O‘zbekiston davlat san’at va madaniyat instituti talabalari ham faol ishtirok etishmoqda.

Bugun erta tongdan institut rektori, professor Nodirbek Sayfullayev bayram tanatanalariga tayyorgarlik jarayonida ishtirok etayotgan institut talabalari bilan uchrashdi.

Unda ushbu jarayon ijodkor talabalarining kelgusi faoliyati uchun ham katta ahamiyatga ega ekanligi yana bir bora ta’kidlandi. Qolaversa, talabalarning tayyorgarlik jarayonidagi faolliklari ham e’tirof etilib, ularga yangi sport kostyumlari va kepkalari taqdim etildi hamda moddiy rag’bat ham berilishi e’lon qilindi.

Yig‘ilishda yurtimizda korrupsiyadan xoli muhit yaratish bо‘yicha qilingan ishlarga baho berilib, kelgusi vazifalar belgilandi.

Davlatimiz rahbari 55 ta aniq maqsadga yо‘naltirilgan tashabbuslarni ilgari surdi. Ular doirasida 5 ta qonun, 12 ta farmon va qarorlar ishlab chiqiladi.

Bugun О‘zbekiston davlat san’at va madaniyat instituti rektori, professor Nodirbek Sayfullayev rahbarligida ushbu yig‘ilishda belgilangan dolzarb vazifalar ijrosini ta’minlash hamda institut miqyosida korrupsiyaga qarshi kurash tizimini yanada takomillashtirishga qaratilgan yig‘ilish bо‘lib о‘tdi.

Yig‘ilishda barcha prorektorlar, bо‘lim boshliqlari, fakultet dekanlari, Kasaba uyushmasi qo‘mitasi va Xotin-qizlar maslahat kengashi raislari hamda yoshlar yetakchisi ishtrok etdi.

Yig‘ilish kun tartibidagi masala yuzasidan fikr bildirar ekan Nodirbek Sayfullayev davlatimiz Rahbarining “Hammamiz yagona kuch bо‘lib harakat qilsak, albatta, katta ijobiy samaraga erishamiz. Shu bois mahalla faollari, nuroniylar, ziyolilar, yozuvchi va shoirlar, san’at va madaniyat xodimlari, tadbirkorlar, taniqli shaxslar, rahbarlar, deputat va senatorlar – umuman butun jamoatchilik birlashib, korrupsiyaga “jamiyat tanasidagi saraton” sifatida qarashi kerak”, – degan so‘zlaridan iqtibos keltirib, bu so’zlar faoliyatimizdagi asosiy mezonga aylanishi lozimligini ta’kidladi.

Yuqoridagi yig‘ilishda fikri toza, korrupsiyaga toqatsiz yangi avlodni tarbiyalash maqsadida ta’lim maskanlarida halollik g‘oyalarini singdirish, ularning tashabbuslarini qо‘llab-quvvatlash muhimligi kо‘rsatib о‘tilganini, xususan, institutda ham talaba-yoshlar o‘rtasida bu illatning salbiy oqibatlari haqida batafsil tushuncha berish, ular o‘rtasida tanlovlar tashkil etish ishlarini yanada jadallashtirish, ayniqsa, tarbiyaviy ahamiyatga ega roliklar yaratish zarurligini aytib o‘tdi.

Shu bilan birga, joriy yilning 11-mart kuni madaniyat vaziri boshchiligida ham korrupsiyaga qarshi kurashish sohasidagi topshiriqlar ijrosini ta’minlash bо‘yicha dolzarb vazifalar yuzasidan yig‘ilish о‘tkazilgani va vazirlik tizimida ham bu borada amalga oshirlishi lozim bo’lgan ishlar belgilanganini keltirib o’tdi.

Shuningdek, korrupsiyaga qarshi murosasiz kurashni bir zum ham tо‘xtatmasligimiz darkor ekanligini, biz nafaqat о‘zimiz uni sodir etmasligimiz, shu bilan birga, atrofimizdagilarning ham bu illatga aralashmasliklari uchun ham mas’ul bо‘lishimiz kerakligini alohida qayd etdi.

Institut jamoasiga murojaat o‘laroq, “Korrupsiyaga qarshi kurashish har birimizning faoliyatimizdagi asosiy vazifaga aylanishi shart, san’at va madaniyat sohasi xodimlari bu borada o‘rnak bo‘lishi lozim, ana shundagina Yurtboshimiz va xalqimizning bildirayotgan yuksak ishonchlarini oqlagan bо‘lamiz”. – dedi

❗️Shuningdek, mutasaddilarga bu borada qilinishi lozim bo‘lgan vazifalar yuzasidan ham ko‘rsatmalar berib o‘tildi.

Yig‘ilishda tashkiliy masala ham ko‘rilib, unga ko‘ra, institutning Ishlar bosohqarmasi boshlig‘i lavozimiga tayinlangan Isroiljon Abdukadirov jamoaga tanishtirildi.

Kurs ishida talabalar berilgan mavzularning amaliy va nazariy jihatlarini tahlil qilishdi.

Xususan, talabalar “Xalq og‘zaki ijodining talaba aktyor nutq shakllanishidan о‘rni”, “Sо‘z san’ati – adabiy matnini mantiqiy tahlili”, “Adabiy asarda muallifning mavzu va g‘oyasini aniqlash”, “Ifodali о‘qish san’atida tahlil va talqin yо‘li”, “She’riyat: “Barmoq” vaznidagi she’rning о‘ziga xosligi”, “Sahna nutqi texnikasi: nafas va ovoz uyg‘unligiga erishish yо‘llari”, “Sahna nutqi texnikasi: nafas va ovoz, talaffuz me’yorlarini takomillashtirishda klassik she’rlarning о‘rni”, “Orfoepiyaning ijro jarayonlaridagi maromi”, “Qayta himoyalash metodining baddiy asar talqinidagi о‘rni”, “Aktyor nutqining takomillashtirishda xalq dostonlari va sajlarining ta’siri”, “Badiiy sо‘z san’atida tahlil va talqin”, “Aktyorni tarbiyalashda muallif va ijrochi nutqining sahnaviy talqini” va boshqa ko ‘plab sohaga oid mavzular yuzasidan fikr-mulohazalarini bayon qilib o‘tishdi.

Talabalarning mavzu yuzasidan bilimlarini komissiya raisi: dotsent Umida Ibragimova, komissiya a’zolari: dotsent Isoqtoy Djumanov, dotsent v.b Dilrabo Jumanova, Sahna nutqi fani o‘qituvchilari – professor Maxsuma Xodjimatova, O’zbekistonda xizmat ko’rsatgan artist, dotsent Lola Eltoyeva, professor v.b Xatira Djuldikarayeva hamda kurs rahbari: dotsent Farrux Egamberdiyevlar tomonidan baholandi.

✅Yig‘ilishda barcha prorektorlar, bo‘lim boshliqlari, fakultet dekanlari va kafedra mudirlari ishtirok etdi hamda 2025-yil uchun rejalashtirilgan maqsadli investitsiyalar jalb qilish holati va 2 oy mobaynida kafedralar tomonidan amalga oshirilgan ishlar, tijoratlashtirish bо‘yicha (kafedralar kesimida) amalga oshirilgan ishlar, Oliy taʼlim, fan va innovatsiyalar vazirligining 2024-yil 27-dekabrdagi 490-son buyrugʻi bilan tasdiqlangan konferensiyalarga tayyorgarlik holati, yakuniy attestatsiya dasturini (bitiruvchi kurslar uchun) ishlab chiqish va tasdiqlash, bitiruvchi kurs talabalarining bitiruv oldi amaliyotini olib borilishi, ma’naviyat masalalari hamda institutga biriktirilgan mahallalarda amalga oshirilayotgan tadbirlar kabi masalalar tanqidiy-tahliliy muhokama qilindi

❗️Ushbu masalalar yuzasidan mutasaddilarning axborotlari tinglandi hamda barcha mas’ullarga tegishli topshiriqlar berildi.

Bugun O’zbekiston davlat san’at va madaniyat instituti rektori, professor Nodirbek Sayfullayev Toshken shahar Mirzo Ulug‘bek tumani “Ulug‘bek” mahalla fuqarolar yig’ini (Ulug’bek shaharchasi)da o’ziga biriktirilgan kam ta’minlangan oilalar sharoitini borib ko‘rdi.

Shuningdek, ularning muammolari o‘rganildi. Unda fuqarolarning farzandini Maktabgacha ta’lim muassasiga joylashtirishda, doimiy ish topishda, davolanish borasida va boshqa muammolari borligi ma’lum bo‘ldi. Ularni hal etishda tegishli tartibda ko‘mak berilishi aytildi.

Bunday tashriflar aholining muammolarini joyida o‘rganish va ularni tezkorlik bilan hal etishda katta ahamiyat kasb etadi. Mahallalarda yashovchi aholining turmush sharoitini yaxshilash, ayniqsa, ijtimoiy himoyaga muhtoj oilalarga yordam berish davlat siyosatining ustuvor yo‘nalishlaridan biri bo‘lib kelmoqda.

Bugun 9-mart – yakshanba kuni O‘zbekiston davlat san’at va madaniyat instituti rektori, professor Nodirbek Sayfullayev odatdagidek, institutning 1 va 2-Talabalar turar joyida bo’lib, talabalarga yaratilgan sharoitlarni yana bir bor kо‘zdan kechirdi.

Tashrif davomida rektor mas’ullar bilan talabalar dars qilishlari hamda bо‘sh vaqtlarini mazmunli о‘tkazishlari uchun yanada kо‘proq imkoniyatlar yaratish borasida fikr almashdi.

Shuningdek, talaba yoshlar bilan ham samimiy suhbatlashib, bu yerda yaratilgan sharoitlar, o‘qish jarayonlari bilan qiziqdi.

Shu qatorda, talabalar ham mavjud sharoitlar va imkoniyatlardan mamnun ekanliklarini bildirdilar.

Xususan, “Madaniyat va san’at muassasalarini tashkil etish hamda boshqarish” ta’lim yo‘nalishi 4-bosqich talabasi Shaxina Ibrohimova Talabalar turar joyida barcha sharoitlar yaratilganini, ayni paytda Madaniyat vazirligi huzuridagi Madaniyatshunoslik va nomoddiy madaniy meros ilmiy-tadqiqot institutida bitiruv oldi malakaviy amaliyotida ekanligini, amaliyot davomida ko‘plab bilim va ko‘nikmalarga ega bo‘layotganini aytib o‘tdi.

Bugun Kо‘ksaroy qarorgohida Hurmatli Prezidentimiz Shavkat Mirziyoyev ishtirokida 8-mart – Xalqaro xotin-qizlar kuni munosabati bilan tantanali marosim bо‘lib о‘tdi.

Ushbu marosimda Zulfiya nomidagi Davlat mukofoti bilan taqdirlangan 28 nafar iqtidorli qizlarimiz ushbu mukofotni shaxsan Davlatimiz Rahbaridan qabul qilib oldilar.

Quvonarli tomoni, ular orasida O‘zbekiston davlat san’at va madaniyat instituti “Estrada aktyorligi san’ati” ta’lim yo‘nalishi 3-bosqich talabasi Nasiba Sodiqova ham bor.

Institut rektori, professor Nodirbek Sayfullayev iqtidorli talaba bilan uchrashib, yana bir bor ushbu yuksak mukofot hamda 8-mart Xalqaro xotin-qizlar kuni bilan samimiy muborakbod etdi!

Shuningdek, mamlakatimizda yoshlarga har tomonlama barkamol avlod bо‘lib yetishishlari uchun barcha imkoniyatlar yaratilgani, yoshlar ham ushbu imkoniyatlardan unumli foydalanishi zarurligi to‘g‘risida suhbatlashdi.

Davlatimiz rahbarining ishonchini oqlashga va’da beraman, – deya Nasiba Sodiqova ham o‘z taassurotlari bilan o’rtoqlashdi hamda mukofotni qо‘lga kiritishida institut jamoasining hissasi katta ekanini aytib, o‘z minnatdorchiligini bildirdi.