❗️Bugungi kunda yoshlar o‘rtasida sog‘lom turmush tarzini targ‘ib qilish, ularni giyohvandlik, psixotrop moddalarga ruju qo‘yishlarini oldini olish har qachongidan ham dolzarb muammoga aylanib bormoqda. Zeroki, so‘nggi yillarda yangi turdagi sintetik giyohvandlik vositalari va kuchli ta’sir qiluvchi moddalar paydo bo‘layotganligi, ular inson omilisiz internetning ijtimoiy tarmoqlaridan foydalangan holda aholi, ayniqsa yoshlar orasida oson tarqatilayotganligi holatlari kuzatilmoqda.

⏳Bugun O‘zbekiston davlat san’at va madaniyat institutida Teatr san’ati fakulteti talabalari uchun ayni shu dolzarb muammo yuzasidan davra suhbati tashkil etildi.

Mirzo Ulug‘bek tumani IIO FMB Yoshlar bilan ishlash bo‘linmasi katta inspektori, kapitan Faxriddin Sayitov, Oila va xotin-qizlar masalalari bo‘yicha mas’ul Dilorom Mirxalikova hamda Institut prafilaktika katta inspektori Fayzulla Akbarovlar ishtirok etgan davra suhbati avvalida Yoshlar masalalari va ma’naviy-ma’rifiy ishlar bo‘yicha prorektor Shohbek Ergashev bugun yoshlar nafaqat giyohvand va psixotrop moddalarni iste’mol qilmasligi, balki bu illatning yon atrofimizda paydo bo‘lmasligi uchun mas’ul bo‘lishlari lozimligini, loqaydlik ham bu illatning kengashjiga zamin yaratishi mumkinligini qayd etib, talabalarni ogohlikka chorladi.

Shundan Ichki ishlar organlari xodimlari tomonidan bugun mamalakatimizda giyohvandlikni oldini olish, ayniqsa, yosh avlodni bu kabi illatlar ta’siridan asrash bo‘yicha ko‘rilayotgan choralar, O‘zbekiston Respublikasi Prezidentining joriy yil 6-maydagi “O‘zbekiston Respublikasida giyohvandlik vositalari va psixotrop moddalarning noqonuniy aylanmasiga chek qo‘yish orqali ularning aholi salomatligi va mamlakatimiz genofondiga salbiy ta’sirini bartaraf etish strategik chora-tadbirlari to‘g‘risida”gi Farmonining mazmun-mohiyati va ahamiyati to‘g‘risida batafsil ma’lumot berib o’tildi.

✅Shuningdek, talabalar tomonidan berilgan barcha savollarga batafsil javob berildi.

✅ Bugungi kunda “Besh tashabbus olimpiadasi” sport musobaqalari yoshlarda o‘z irodasi, kuchi va imkoniyatlariga bo‘lgan ishonchni mustahkamlash, iqtidorli sportchilarni saralash hamda jismoniy tarbiya va ommaviy sportni yanada rivojlantirishga katta hissa qo‘shib kelmoqda.

❗️О‘zbekiston davlat san’at va madaniyat instituti Kutubxona-axborot faoliyati fakultetida “Besh tashabbus olimpiadasi” sport musobaqalarining fakultet bosqichi start oldi.

Musobaqalarni ochib berar ekan Yoshlar masalalari va ma’naviy-ma’rifiy ishlar bo ‘yicha birinchi prorektor Shohbek Ergashev mazkur musobaqaning bosh maqsadi avvalo, sog‘lom turmush tarzini targ‘ib qilish ekanligini, g’alaba esa qo‘shimcha rag‘abat ekanligini ta’kidlab, ishtirokchilarga omad tiladi.

❗️Musobaqada talabalar sportning yengil atletika, stol tennisi, stritbol, voleybol turlari bо‘yicha o‘zaro bellashdi. Bosqich g‘oliblar institut bosqichida fakultet sharafini himoya qilishadi.

Yig‘ilishda ZOOM platformasi orqali ishtirok etgan institut rektori dastlab jamoani yangi o‘quv yilining boshlanishi bilan muborakbod etib, ushbu o’quv yilida yuksak marralarni zabt etishlarini tiladi.

Shuningdek, filialda amalga oshirilayotgan ilmiy tadqiqotlar, madaniy va sport tadbirlari, o‘tkazilgan turli musobaqalar va tanlovlarda erishilgan natijalar, o‘quv auditoriyalari va boshqa binolarning 2024/2025-о‘quv yiliga tayyorgarlik holati, talabalarni turar joy bilan ta’minlash masalalari kabi bir qator masalalar muhokama qilindi.

Yig‘ilishning tashkiliy qismida rektor O‘zbekiston Respublikasi Madaniyat vazirining tegishli buyrug‘iga asosan O‘zbekiston davlat san’at va madaniyat instituti Nukus filialining Ilmiy ishlar va innovatsiyalar bo‘yicha direktor o‘rinbosari lavozimiga tayinlangan Yusupov Quanishbay Baltabayevichni filial jamoasiga tanishtirdi.

Quanishbay Yusupov 1977-yil Qoqaqalpog‘iston Respublikasi Chimboy tumanida tavallud topgan. 1999-yil Nukus davlat pedagogika institutini tamomlagan. Mutaxassisligi musiqa va dunyo madaniyati tarixi о‘qituvchisi. Falsafa fanlari bo‘yicha falsafa doktori (PhD) ilmiy darajasiga ega. Tayinlovga qadar filialning “Madaniyat faoliyati” kafedrasida faoliyat yuritgan.

Yig‘ilish yakunida Nodirbek Sayfullayev Quanishbay Yusupovga yangi lavozimida omadlar tilab, filialning ilmiy salohiyati oshirish bo’yicha tavsiyalar ham berib o’tdi.

🎭 Qayd etish о‘rinliki, mashhur fantast yozuvchi Rey Bredberining kitobxonlikka muhabbat va bilim muqaddasligi timsoliga aylangan “Farengeytning 451 darajasi” romani dunyodagi eng kо‘p nashr etilgan kitoblardan biri bо‘lib qolmoqda. Unda sayyoramiz aholisi uchun mushtarak bо‘lgan muammolar – ommaviy madaniyat, jaholat va ma’naviyatsizlik qoralanadi.

🎭 Zamonaviy jahon teatrining eng yaxshi an’analarida sahnalashtirilgan yuksak saviyali spektakl mutaxassislar tomonidan katta qiziqish bilan kutib olinib, olqishlarga sazovor bо‘ldi.

Institut rektori bugun yurtimizda san’at va madaniyatga qaratilayotgan e’tibor dunyo miqyosida katta qiziqishga sabab bo‘layotgani, bu e’tibor va g‘amxo‘rlikni xorijiy hamkorlar ham uchrashuvlarda alohida e’tirof etayotganini mamnuniyat bilan qayd etib, bugungi spektaklning xalqaro miqyosdagi yutuqlarining ham sababi ayni shu ekanligini aytib o‘tdi.

Shuningdek, spektaklni yuqori baholadi hamda ijodiy jamoani muvafaqqiyatli ijro bilan tabriklab, kelgusida bu kabi spektakllarni ko‘paytirish va nafaqat institut miqyosida, balki respublika va xalqaro maydonda namoyish etilishi uchun zarur sharoit yaratishga va doimo qo‘llab-quvvatlashga tayyor ekanligini bildirdi.

Qayd etish kerakki, ushbu spektakl Rossiya Federatsiyasi Moskva shahrida bо‘lib о‘tgan “Mustaqil Davlatlar Hamdo’stligi Xalqaro teatr san’ati festivali”da g‘oliblikni qo‘lga kiritgan.

Bugun Toshkent shahridagi Turin politexnika universitetida “Universitetlar hamkorligining yangi bosqichi – ikki davlat va jamiyat rivojlanishining muhim omili” mavzusida o‘tkazilayotgan birinchi O‘zbekiston-Italiya ta’lim forumining tantanali ochilish marosimi bo‘lib o‘tdi.

Ochilishda Oliy ta’lim, fan va innovatsiyalar vaziri Qo‘ng‘iratboy Sharipov, Italiya Universitetlar va tadqiqotlar vaziri Anna Maria Bernini va Italiyaning 25 ga yaqin oliy ta’lim muassasasi, shuningdek, mamlakatimizning 40 dan ortiq yetakchi oliygohlari rektorlari qatorida O‘zbekiston davlat san’at va madaniyat instituti rektori, professor Nodirbek Sayfullayev ham ishtirok etdi.

Forum doirasida ikki mamlakat universitetlari o‘rtasida uzoq muddatli hamkorlik aloqalari uchun asos bo‘lib xizmat qiladigan kelishuv va memorandumlar imzolandi.

Shu jumladan, forumda O‘zbekiston davlat san’at va madaniyat instituti rektori, professor Nodirbek Sayfullayev dastlab Italiyaning Bari universiteti Xalqaro munosabatlar bo‘yicha prorektori Alessandro Rubino bilan uchrashdi hamda ikki oliy ta’lim muassasi o‘rtasida hamkorlik memorandumi imzolandi.

Memorandumda ikki oliy ta’lim muassasi o‘rtasida o‘quv jarayonini takomillashtirish, bu borada zamonaviy usullar va o‘qitish tizimlaridan foydalanish bo‘yicha tajriba almashish, mutaxassislar, bakalavrlar, magistrlar, yuqori malakali kadrlar tayyorlash bo‘yicha o‘zaro manfaatli asosda o‘quv-uslubiy materiallar almashish, bakalavr va magistratura yo‘nalishlari bo‘yicha ikki tomonlama ta’lim dasturlarini yo‘lga qo‘yish, talabalar almashinuvini tashkil etish, birgalikda ilmiy-tadqiqot va tajriba-konstruktorlik ishlarini rejalashtirish va amalga oshirish, o’qituvchilar va ilmiy xodimlar uchun ma’ruzalar, seminarlar va konsultatsiyalar tashkil etish, ilmiy tadqiqot ishlarini amalga oshirish, tadqiqot guruhlarini, shuningdek, qo‘shma ilmiy loyihalarni amalga oshirish markazini yaratish va boshqa ko‘plab masalalar qamrab olingan.

Uchrashuv davomida rektor ushbu forum davlatlarimizning keng ko‘lamli aloqalarining ta’lim sohasiga tadbiq etilishi ikki davlat oliy ta’lim muassasalarining kelgusi rivoji uchun ulkan imkoniyat yaratishini qayd etib, bugun o‘rnatilayotgan hamkorlik ikki oliy ta’lim muassasi rivoji uchun muhim ahamiyat kasb etishini ta’kidladi.

Mehmonlar ham yurtimizning boy tarixi, madaniy yutuqlari hamda bugun amalga oshirilayotgan ulkan o‘zgarishlardan boxabar ekanligi, aynan keyingi sakkiz yildagi o‘zgarishlar sabab O‘zbekiston oliy ta’lim muassasalari bilan hamkorlikka jiddiy qiziqayotganlarini qayd etib o‘tishdi.

✅Ma’lumot o‘rnida ushbu universitet Italiyaning Bari shahrida joylashgan. Yevropa Universitetlar Assotsiatsiyasi (EUA) bilan faol hamkorlik qiladi. Xalqaro QS reytingiga 740-o’rinni egallagan. Universitet biotibbiyot va tabiiy fanlar bo’yicha dunyodagi eng yaxshi universitetlardan biridir. THE mustaqil universitetlar reytingida dunyo bo‘yicha 601-o‘rinda qayd etilgan.

Shundan so‘ng kuni kecha institutga tashrif buyurgan Roma Tre universiteti prorektori, professor Anna Liza Tota bilan uchrashuv bo‘lib o‘tdi hamda ikki oliy oliy ta’lim muassasi o‘rtasida hamkorlik bitim imzolandi. Mazkur bitim bilan ikki oliy ta’lim muassasa o’rtasidagi mustahkam hamkorlik uchun asos yaratildi.

Shuningdek, teatr sotsiologiyasi bo‘yicha mutaxassis hisoblangan Anna Liza Tota O‘zbekiston davlat san’at va madaniyat instituti unda juda iliq taassurot qoldirgani hamda kelgusida memorandum doirasida amalga oshiriladigan professor-o‘qituvchilar almashinuvida o‘zi ham ishtirok etib, talabalarga seminar o‘tish istagini bildirdi.

Ma’lumki, joriy yilning 24-27- sentabr kunlari O’zbekiston Respublikasi Vazirlar Mahkamasining «O’zbekiston Respublikasi va Italiya Respublikasi o’rtasidagi kelishuvlarning amalga oshirilishini so’zsiz ta’minlash va strategik sheriklik munosabatlarini yanada mustahkamlash chora-tadbirlari to’g’risida» 2023-yil 25-iyuldagi 311/22-son qarori bilan tasdiqlangan “Yo’l xarita»si hamda «Italiya Respublikasi Prezidentining O’zbekistonga rasmiy tashrifi davomida erishilgan kelishuvlarni amalga oshirish chora-tadbirlari to’g’risida» 2023-yil 29-dekabrdagi 727/11-son qarori bilan tasdiqlangan «Yo’l xarita»sida belgilangan topshiriqlar ijrosini ta’minlash maqsadida birinchi O‘zbekiston-Italiya ta’lim forumi bo‘lib o‘tadi.

Ayni paytda ushbu tadbirda ishtirok etish uchun yurtimizga 20 dan ortiq yetakchi oliy ta’lim muassasalari rektor va prorektorlari tashrif buyurgan.

Bugun O‘zbekiston davlat san’at va madaniyat institutiga forum doirasida yurtimizda bo‘lib turgan Roma Tre universiteti prorektori Anna Liza Tota tashrif buyurdi.

Mehmonlarni qabul qilar ekan institut rektori, professor Nodirbek Sayfullayev, avvalo, ularni yurtimizda ko‘rib turganidan mamnun ekanligini bildirib, bugun O’zbekistonning jahon davlatlari bilan ochiqlik va oshkorlik tamoyillari asosida o‘rnatilgan o‘zaro manfaatli hamkorligi barcha sohalarni qamrab olganini, jumladan, oxirgi 8 yil davomida dunyoning ko‘plab yetakchi oliy ta’lim muassasalari bilan samarali hamkorlik o‘rnatilganini alohida ta’kidladi. Shuningdek, Italiyaning boy san’ati va madaniyatiga yurtimizda qiziqish yuqori ekanligini va bugun o‘rnatilajak hamkorlik dunyoning eng qadimgi taraqqiyot o‘choqlaridan bo‘lgan ikki davlatning madaniy aloqalarini yanada mustahkamlashga hissa qo‘shishiga umid bildirdi.

O‘z o‘rnida, Roma Tre universiteti prorektori Anna Liza Tota ham O‘zbekistonning boy madaniyati va tarixi uni doimo qiziqtirganini, shu ma’noda, bugungi hamkorlikdan juda ulkan natijalar kutayotganini, shuningdek, yurtimizda amalga oshirilayotgan ulkan o‘zgarish va yangilanishlarni Italiya va dunyo jamoatchiligi qatorida katta qiziqish bilan kuzatayotganini ta’kidlab o‘tdi.

Uchrashuvda kelgusida hamkorlik aloqalarini chuqurlashtirish, bakalavr va magistratura yo‘nalishlari bo‘yicha ikki tomonlama ta’lim dasturlarini yo‘lga qo‘yish, talabalar almashinuvini tashkil etish, birgalikda ilmiy-tadqiqot va tajriba-konstruktorlik ishlarini amalga oshirish va boshqa bir qancha muhim masalalar muhokama qilindi hamda Forum doirasida hamkorlik memorandumi imzolashga kelishib olindi.

Ma’lumot o‘rnida, Roma Tre universiteti 1992-yilda tashkil etilgan bo’lib, tez suratlarda rivojlanmoqda. Ushbu ta’lim muassasi yuqori sifatli xalqaro tadqiqotlarni rag’batlantirish va tashkil etish, ilg’or ta’limni rivojlantirish va tarqatish, atrof-muhitni muhofaza qilish, xalqaro birdamlik tamoyillarini qo‘llab-quvvatlaydi.

Farg’ona Musiqali drama teatrida «Xush kayfiyat» ko’rik-tanlovining respublika bosqichi g’oliblarini taqdirlash marosimi bo’lib o’tdi

Taqdirlash marosimida O‘zbekiston madaniyat vazirining birinchi o‘rinbosari Bahodir Ahmedov ishtirok etib, ishtirokchilarni taqdirladi hamda kelgusidagi faoliyatlariga omad tiladi.

O‘zgacha xush kayfiyat bilan o‘tgan ushbu ko‘rik tanlovda havaskor va professional askiyachi, qiziqchi hamda so‘z ustalari o‘z ijod namunalari bilan munosib ishtirok etishdi.

Quvonarli tomoni ushbu musobaqaning Qiziqchilik yo‘nalishida Oʻzbekiston davlat sanʼat va madaniyat instituti Teatr sanʼati fakulteti Musiqali teatr aktyorligi ta’lim yoʻnalishi sirtqi ta’lim 5-bosqich talabasi Bahodir Fozilov 2-o‘rinni egalladi

G‘oliblikni qo‘lga kiritgan ishtirokchilar Madaniyat vazirligi hamda Respublika askiya va qiziqchilik san’ati markazi tomonidan statuetka, diplom, qimmatbaho sovg‘alar hamda pul mukofotlari bilan taqdirlandilar.

Institut jamoasi nomidan Bahodir Fozilovni mazkur yutuq bilan muborakbod etamiz hamda kelgusida bundanda yuqori marralarni zabt etishini tilab qolamiz.

✅Yig‘ilishda 2024/2025-о‘quv yilida talabalarni TTJ va ijara uylari bilan tо‘liq qamrab olinganlik holati, talabalarning haftalik davomati, “FACE ID” tizimi orqali barcha institut talabalarining rо‘yxatdan о‘tganlik holati, institutga 7-8-oktabr kunlari Janubiy Koreyaning Geochang teatr maktabi vakillarining tashrifini tashkil etish va mahorat darslari o’tkazish, 2024/2025-о‘quv yilida qabul qilingan talabalarning hujjatlarini HEMIS tizimida rо‘yxatdan о‘tkazilganlik holati kabi institut hayotiga aloqador bir qator masalalar muhokama qilindi.

❗️Ushbu masalalar yuzasidan mutasaddilarning axborotlari tinglandi hamda barcha mas’ullarga tegishli topshiriqlar berildi.

Yig‘ilish yuzasidan xulosa qilar ekan, institut rektori, professor Nodirbek Sayfullayev talabalaning sifatli ta’lim olishi uchun barchamiz mas’ul ekanligimizni qayd etib, bu borada barchani faolikka va o‘z xizmat vazifasini vijdonan bajarishga chorladi.