➡️ Bugun Oʻzbekiston davlat sanʼat va madaniyat institutida Yoshlar yetakchisi Izzatullo Tursunpo’latov rahbarligida talabalar oʻrtasida «Zakovat» intellektual oʻyinining yangi mavsumi boshlandi. Oktabr oyining 1-tur bahslarida 4 ta fakultetdan jami 8 ta jamoa ishtirok etdi.

➡️Eslatib o’tamiz g’olib jamoa har oyning so’ngida aniqlanadi va ko’chma kubok taqdim etiladi.

Yig‘ilishda barcha prorektorlari, bo‘lim boshliqlari, fakultet dekanlari, kafedra mudirlari va tyutrolar ishtirok etdi.

✅Tadbir avvalida institut rektori, professor Nodirbek Sayfullayev Marketing va talabalar amaliyoti bo‘limi boshlig‘i, institut kasaba uyushmasi qo‘mitasi raisi Baxtiyor Yuldashevning qutlug’ 70 yoshi bilan samimiy muborakbod etdi hamda unga uzoq yillik faoliyati moobaynida ta’lim, san’at va madaniyat rivojiga qo‘shgan hissasi va jamoatchilik ishlaridagi faolligi uchun “Faxriy yorliq” va esdalik sovg’asi taqdim etildi.

Tanqidiy va tahliliy tarzda o‘tkazilgan yig‘ilish ikki qismdan iborat bo‘ldi.

✅Dastlab talabalarning haftalik davomati, 2024/2025-о‘quv yili qishki semestrda sirtqi ta’lim yо‘nalishi bо‘yicha о‘quv jarayolarini tashkil etilishi, reyting indikatorlari bo‘yicha amalga oshirilgan ishlar, ijro intizomi kabi masalalar muhokama qilindi.

Ushbu masalalar yuzasidan mutasaddilarning axborotlari tinglandi hamda barcha mas’ullarga tegishli topshiriqlar berildi.

Yig‘ilishning ikkinchi qismida Yoshlar masalalari va ma’naviy-ma’rifiy ishlar bo‘yicha birinchi prorektor Shohbek Ergashev, Ijtimoiy-ma’naviy muhit barqarorligini ta’minlash bo’yicha rektor maslahatchisi Alisher Ishchanov, Institut prafilaktika inspektori Fayzulla Akbarov, fakultet dekanlari, o’rinbosarlari va tyutorlar ishtirokida ma’naviy-ma’rifiy ishlar samaradorligini oshirish va talaba-yoshlarning bo‘sh vaqtini mazmunli tashkil etish yuzasidan institutda amalga oshirilayotgan ishlar muhokama qilindi.

❗️Ushbu masala yuzasidan fikr bildirar ekan institut rektori bugun talabalarga sifatli ta’lim berish qanchalik muhim bo‘lsa, ularni bo‘sh vaqtlarini mazmunli o‘tkazishlarini ta’minlash ham shunchalik ahamiyatli ekanligini, ularni turli to‘garaklar, sport mashg‘ulotlari, kitobxonlikka jalb etish lozimligini ta’kidladi.

Ma’naviy-ma’rifiy ishlar samaradorligini oshirish va talaba yoshlarning bo‘sh vaqtini mazmunli tashkil etish yuzasidan mas’ullarga tegishli ko‘rsatmalar berildi.

✅ O‘zbekiston davlat san’at va madaniyat instituti talabalarining Adiblar xiyoboniga tashriflari davom etmoqda.

❗️Bugun Kino, televideniye va radio san’ati fakulteti Yoshlar bilan ishlash bo‘yicha dekan o‘rinbosari Rustam Arolov boshchiligida fakultet talaba-yoshlari ishtirokida xiyobonda ma’naviy-badiiy tadbir tashkil etildi.

Tadbir avvalida shoir Doniyor Mirzo bilan ijodiy uchrashuv bo’lib o’tdi.

Doniyor Mirzo Muhammad Yusufning ijodi, nafaqat o‘zbek adabiyoti, balki qo‘shiqchilik san’atida ham alohida bosqichga aylangani, bugun ham qanchadan qancha yoshlar uning she’rini kuyga solib san’at olamiga qadam qo‘yayotganini, o’zi ham bolaligida ushbu shoirning she’rlarini o’qib, yod olib adabiyotga qiziqish ortganini aytib o’tdi hamda barcha yoshlarni kitob o‘qishga, o‘zbek adabiyoti namoyondalari ijodiga ko‘p va xo‘p murojaat qilishga undadi. shuningdek, o’zining ijod namunlaridan o’qib berib yig’ilganlarni xushnud etdi.

O‘z navbatida talabalar ham Muhammad Yusufning she’rlarini yoddan o‘qib berdi.
✅Shundan so’ng institut Yoshlar yetakchisi Izzatullo Tursunpo’latov tomonidan Zakovat intellektual o’yini tashkil etilib, fakultet talabalari o’z bilimlarini sinab ko’rish imkoniga ega bo’ldi.
✅Shuningdek, tadbir sport musobaqalari bilan davom ettirildi. Unda talabalar guruhlarga bo’linib, arqon tortish, shaxmat-shashka kabi sport turlarida o’z mahoratlarini namoyish etishdi.

✅Ayni paytda Rossiya Federatsiya Moskva shahrida joylashgan Butunrossiya Davlat kinematografiya universitetida «Vosxojdeniye» xalqaro talabalar festivali bo‘lib o‘tmoqda. Ushbu festivalda Mustaqil davlatlar hamdo‘stligi davlatlarining ko‘plab oliy ta’lim muassasalari qatorida O‘zbekiston davlat san’at va madaniyat instituti delegatsiyasi ham Ilmiy ishlar va innovatsiyalar bo‘yicha prorektor Baxtiyor Yakubov boshchiligida ishtirok etishmoqda.

❗️Festival davomida institut delegatsiyasi BDKU rektori V.S.Malishev bilan uchrashuv, Rossiya Federatsiyasi xalq artisti S.Bezrukovning mahorat darsida ishtirok etib rus kinosida bo‘layotgan bugungi jarayonlar, kino sohasida tahsil olayotgan talabalarga yaratilgan sharoitlar haqida ko‘pgina qiziqarli ma’lumotga ega bo ‘lishdi.

Shuningdek, festivalga tashrif buyurgan barcha ishtirokchilar qatori delegatsiya a’zolari ham BDKUning o‘quv-amaliy auditoriyalari, fakultetlari, mutaxassislik kafedralari, kutubxona, ilmiy-tadqiqot markazi, universitet tarixi aks etgan muzey bilan tanishishdi.

Ayni kunlarda festival doirasida ishtirokchi delegatsiyalarning mutaxassislari tomonidan tayyorlangan ma’ruzalar asosida “Кинообразование: совместные образовательные проекты государств-участников стран СНГ” nomli Xalqaro ilmiy-amaliy konferensiya hamda talaba yoshlar ishtirokidagi ilmiy-amaliy konferensiya bo‘lib o‘tmoqda.

Eng asosiysi festivalning har bir ish kunida barcha qatnashchi mamlakatlar talabalari tomonidan suratga olingan filmlarning namoyishi tashkil etilib, yoshlar o‘z tengdoshlarining ijod namunalari, izlanishlari bilan yaqindan tanishmoqda.

O‘zaro ijodiy muloqotlar, bahs va munozaralarga boy o‘tayotgan festival kinonamoyishlar, mahorat darslari bilan davom etmoqda.

✅O‘zbekiston davlat san’at va madaniyat instituti rahbariyati xususan, fakultet dekanlari tyutorlar bilan birgalikda ijara xonadonlarida istiqomat qilib kelayotgan talaba-yoshlarning yashash manzillaridagi mavjud imkoniyatlar, shart-sharoitlar hamda muammo va kamchiliklar o‘rganishmoqda.

Talabalar istiqomat qilayotgan uylarning kuz-qish mavsumiga tayyorgarlik holati, isitish tizimlarining mavjudligi kabi dolzarb masalalari mas’ullar tomonidan tahlil etilmoqda.

Shuningdek, o‘rganish ishlari mobaynida talabalar uchun ijara shartnomalarining tuzilganlik holati hamda bu bo‘yicha xonadon egalari uchun yaratiladigan imkoniyatlar yuzasidan muloqotlar o‘tkazilmoqda.

✅Ma’lumki bugungi kunda yoshlar o ‘rtasida kitobxonlikni keng targ‘ib qilish va ularni adabiyotga bo‘lgan qiziqishlarini oshirishda “Ma’rifat ulashib” loyihasining ahamiyati yuqori bo‘lmoqda.

✅Bugun O‘zbekiston davlat san’at va madaniyat institutiga loyiha doirasida O‘zbekiston Respublikasida xizmat ko‘rsatgan madaniyat xodimi. “Ma’naviy hayot” jurnali bosh muharriri Eshqobil Shukur, О‘zbekiston Yozuvchilar uyushmasi a’zosi, “Shuhrat” medali sohibi Farog‘at Xudoyqulova hamda “Guliston” jurnali bо‘lim muharriri Baxtiyor Haydar tashrif buyurdi.

Dastlab. mehmonlar isntitutning dars mashg‘ulotlari, talabalar, xodimlar va professor-o‘qituvchilarga yaratilgan sharoitlar bilan yaqindan tanishdi.

✅Shundan so‘ng institutning O‘quv teatrida talabalar bilan uchrashuv tashkil etildi.

Unda yoshlar qalbida adabiyotga mehr-muhabbatni yanada kuchaytirish, ona Vatanga sadoqat tuyg‘ularini kamol toptirish muhim masala ekanligi aytib o‘tildi. Qizg‘in va samimiy suhbatlar go‘zal mushoiralarga ulanib, mehmonlar o‘zlarining ijodlaridan Vatanga muhabbat, insoniy tuyg‘ular aks etgan she’rlaridan namunalar o‘qidilar.

Shuningdek, adabiyotga doir savollariga mehmonlar batafsil javob berib o‘tishdi.

Tadbir Toshkent viloyati Zangiota tumanida  37-sonli hamda 2-sonli umumta’lim maktablarida davom ettirildi.

Mazkur maktablarda ham adabiyot ixlosmandi bo‘lgan o‘quvchilar uchun o ‘zbek adabiyotining tarxi va buguni haqida batafsil ma’lumot berildi hamda ijodkor bo‘lish istagidagi yoshlar uchun kerakli tavsiyalar berildi.

Ushbu tadbirlar ham an’anaga muvofiq mushoiralar bilan yakunlandi.

Assalomu alaykum!

Barchamizga ma’lumki, O‘zbekiston davlat san’at va madaniyat instituti aktyorlik, rejissyorlik, kinoteleoperatorlik, san’atshunoslik, folklor ijrochiligi, milliy qо‘shiqchilik, xalq cholg‘ulari ijrochiligi, madaniyatshunoslik, kutubxonashunoslik hamda madaniyat va san’at menejmenti ta’lim yо‘nalishlarida yuqori malakali kadrlar tayyorlovchi yetakchi oliy ta’lim muassasalaridan hisoblanadi.

Turkiston san’at saroyida “O‘qituvchi va murabbiylar kuni”ga bag‘ishlangan “Ustozga ehtirom!” nomli teatrlashtirilgan konsert dasturi bu so’zlarning yana bir isboti bo‘ldi, desak yanglishmaymiz.

Men, fursatdan foydalanib, ushbu dasturni tayyorlashda sahnada va sahna ortida ishtirok etgan barcha professor-o‘qituvchilar, jo‘rnavozlar, ishchi-xodimlar hamda talaba-yoshlarga o’z minnatdorchiligimni bildiraman.

Zeroki, konsertda barcha ishtirokchilar o’zlarining professional hamda yuksak ijro mahoratlarini namoyon etishdi. Shuning uchun ham bu tadbir tom ma’noda san’at va madaniyat bayramiga aylandi hamda tomoshabin-u mutaxassislarning e’tirofiga sazovor bo‘ldi.

Men ishonch bilan ayta olamanki, bugun ustozlari bilan bir qatorda ilk bor katta sahnaga qadam qo’ygan iste’dodli talabalarimiz, albatta, kelajakda el ardog‘idagi san’atkor bo‘lib yetishadi hamda eng muhimi Yangi  O‘zbekiston san’ati va madaniyatining yanada keng tanilishiga xizmat qiladi.

Yosh iste’dod egalarini kashf etishda institutimizning ham alohida о‘rni bor. “Ustozga ehtirom!” nomli teatrlashtirilgan konsert dasturi bu boradagi dastlabki qadam bo‘ldi.

Kelgusida bu kabi tadbirlarni yana ko‘proq o‘tkazishni hamda qamrovini yanada kengaytirishni maqsad qilganmiz.
Xususan, zamon qahramoni, jadid bobolarimiz va tarixiy qahramonlar hayoti, mamlakatimizda amalga oshirilayotgan islohotlarning xalqimiz hayotiga ta’siri aks etgan spektakllar va teatrlashtirilgan tomoshalar sahnalashtirish, milliy va zamonaviy kuy-qo’shiqlardan iborat konsert dasturlarini tayyorlash, qisqa metrajli filmlar yaratish hamda ularni yurtimizning katta sahnalarida va chekka hududlarda namoyish etish rejalarimiz bor.

Albatta, bu kabi yuksak maqsadlarni Hurmatli Prezidentimiz tomonidan san’at va madaniyat xodimlariga yaratib berilayotgan imkoniyatlardan to‘liq foydalangan holda hamda institutning fidoiy va ahil jamoasi bilan birgalikda amalga oshiramiz.

Yana bir bor teatrlashtirilgan konsert dasturining yuqori saviyada o‘tishida jonbozlik ko‘rsatgan har bir ishtirokchiga, shuningdek, bizni qo‘llab-quvvatlagan O’zbekiston Respublikasi Madaniyat vazirligi, Milliy teleradiokompaniya hamda Turkiston san’at saroyi ma’muriyatiga minnatdorchilik bildiramiz.

Nodirbek Sayfullayev,
O‘zbekiston davlat san’at
va madaniyat instituti rektori, professor.

O‘zbekiston davlat san’at va madaniyat instituti rektori, professor Nodirbek Sayfullayevning 1-oktabr – “O‘qituvchi va murabbiylar kuni” munosabati bilan bayram tabrigi.