Yig‘ilish avvalida Nodirbek Sayfullayev Kasaba uyushmasi institutda xodimlar va professor-o‘qituvchilarning manfaatlarini himoya qiluvchi, ularning mehnat sharoitlarini yaxshilash, ish joylarida xavfsizlikni ta’minlash, muammolarni hal qilish borasida o‘z so‘zi va ovoziga ega bo‘lgan muhim bo‘g‘in bo‘lishi lozimligini ta’kidladi.
Yig‘ilishning kun tartibida institut Kasaba uyushmasi qо‘mitasining 5 yil mobaynidagi faoliyati yakunlari va xodimlarning ijtimoiy-iqtisodiy huquq va manfaatlarini himoya qilish borasida kelgusidagi vazifalari, institut Kasaba uyushmasi qо‘mitasi taftish komissiyasining hisoboti, institut kasaba uyushmasi qо‘mitasi raisi va tarkibini hamda taftish komissiyasi raisi va tarkibini, shuningdek, О‘zbekiston madaniyat, sport va turizm xodimlari kasaba uyushmasi Toshkent shahar birlashgan qо‘mitasining hisobot-saylov konferensiyasiga delegatlar va vakil saylash kabi masalalar ko‘rib chiqildi.

Mazkur masalalar yig‘ilish ishtirokchilari tomonidan qizg‘in muhokama qilinib, kelgusi rejalar yuzasidan bir qancha taklif va tavsiyalar bildirildi.

Institut Kasaba uyushmasi qo’mitasi tarkibiga quyidagi nomzodlar saylandi:

Baxtiyor Yuldashev – O’quv-uslubiy boshqarmasining talabalar amaliyoti bo’limi boshlig’i
Rustamov Vahobjon Qiyomovich – «Madaniyat va san’at menejmenti» kafedrasi professori v.b.;
Karimov Jahongir Ibratovich – Yoshlar bilan ishlash, ma’naviyat va ma’rifat bo’limi boshlig’i;
Ahmedov Farrux Farxodovich – «Registrator ofisi» o’quv jarayonlarini muvofiqlashtirish menejeri;
Yusupova Rahima Kasimova – «Madaniyat va san’at menejmenti» kafedrasi dotsenti v.b.;
Rasulov Rufat Sheraliyevich – institut Talabalar turar joyi komendanti
Muminxodjayeva Lyudmila Nigmatovna – «Kutubxona-axborot faoliyati» kafedrasi katta o’qituvchisi;
Bachisova Sharafat Narmuratovna – Xodimlar bo’limi mutaxassisi,
Mavlonov Rustam Mavlonov Rustam Abdusalomovich – institut bosh muhandisi.

Institut kasaba uyushmasi raisligiga nomzodlar uchun ochiq ovoz berildi.

Ovoz berish natijalariga ko‘ra O‘quv uslubiy boshqarmasining Talabalar amaliyoti bo‘limi boshlig‘i Yuldashev Baxtiyor O‘zbekiston davlat san’at va madaniyat instituti kasaba uyushmasi qo‘mitasi raisligiga qayta saylandi.

✔️Yig‘ilishda barcha prorektorlar, bo‘lim boshliqlari, fakultet dekanlari, Yoshlar bilan ishlash bo‘yicha dekan o‘rinbosarlari, kafedra mudirlari va tyutorlar ishtirok etdi.

Yig‘ilishni ochib berar ekan Nodirbek Sayfullayev joriy yilning 13-fevral kuni О‘zbekiston Respublikasi Prezidenti Shavkat Mirziyoyev raisligida о‘tkazilgan Olimpiya va paralimpiya harakatini yanada rivojlantirish, ommaviy sportni yangi bosqichga olib chiqish, aholi jismoniy faolligini oshirish chora-tadbirlari yuzasidan videoselektor yig‘ilishi hamda 14-fevral kuni о‘tkazilgan mamlakatimiz yoshlari bilan ochiq muloqotida belgilagan vazifalar ijrosi borasida to’xtalib, bugungi kunda talaba-yoshlarga sifatli ta’lim berish barobarida, ularning bo‘sh vaqtlarini mazmunli tashkil etish, turli to‘garaklarga jalb etish institutda faoliyat olib borayotgan har bir xodimning asosiy vazifa bo‘lishi, bu boradagi ishlarni yangi bosqichda davom ettirish, ayniqsa, yoshlar bilan ishlash tizimida faoliyat olib borayotgan xodimlarning mas’uliyatini yanada oshirish lozimligini ta’kidladi.

Shuningdek, ushbu yig‘ilishlarda hamda umuman yurtimizda yosh avlodga yaratib berilayotgan keng ko ‘lamli imkoniyatlar tog‘risida talaba-yoshlarga ko’proq ma’lumot berish, tashkil etilayotgan turli tanlovlar va sport musobaqalarida talabalarning ishtirokini kengaytirish, institut miqyosida ham sport va boshqa intellektual tanlovlarni muntazam o‘tkazib borish, talaba-yoshlarning kamida 50 fozini sportga jalb etish zarurligini ta’kidladi.

Yoshlar masalalari va ma’naviy-ma’rifiy ishlar bo‘yicha birinchi prorektor Shohbek Ergashevning talabalarning bо‘sh vaqtini mazmunli tashkil etish, ularning ma’naviyatini yuksaltirish borasida institutda amalga oshirilayotgan ishlar borasida bergan ma’lumoti qizg’in muhokama qilindi. Xususan, haftaning har shanba kunini institutda sport kuni deb e’lon qilindi hamda ushbu kunda ko’plab sport musobaqalari tashkil etish, unda nafaqat talaba-yoshlar, balki ishchi xodimlar ham ishtirok etishi belgilandi.

Institut talabalarining ma’naviy tarbiyasi va mafkuraviy immunitetini kuchaytirish, ularni yot g‘oyalardan asrash har birimizning vazifamizga aylanishi shartligi, yoshlarning mafkuraviy xavfsizligini ta’minlash, ularni dardiga malham bo‘lib, muammosini hal qilib, turli g‘oyaviy xurujlardan asrash, zararli axborotlardan himoya qilish ishlarini kuchaytirish, ayniqsa, giyohvandlik va psixatrop moddalarga qaramlik kabi salbiy illatlarning oldini olish masalasi ham muhokama qilinib, mas’ullarga bu borada yoshlar o’rtasida tushuntirish ishlarini yanada jadalashtirish topshirig‘i berildi.

Yig‘ilishda, shuningdek, 2025-yil uchun rejalashtirilgan maqsadli investitsiyalar va grant loyihalarini amalga oshirilishi, xalqaro hamkorlik bo‘yicha xorijiy universitetlar bilan imzolangan memorandumlar, tuzilgan «Yo‘l xarita» larida belgilangan vazifalar ijrosining bajarilishi, 2024/2025-о‘quv yili kuzgi semestr bо‘yicha professor-о‘qituvchilarning HEMIS platformasida о‘quv mashg‘ulotlarini rasmiylashtirishi hamda fakultet va kafedralarning о‘quv-uslubiy, ilmiy-tadqiqot va ma’naviy-ma’rifiy faoliyatlarini о‘rganish natijalari, to‘lov-shartnoma asosida tahsil olayotgan talabalar tomonidan to‘lovlar amalga oshirilish holati, ijro intizomi kabi masalalar muhokama qilindi.

❗️Ushbu masalalar yuzasidan mutasaddilarning axborotlari tinglandi hamda barcha mas’ullarga tegishli topshiriqlar berildi.

#jarayon

Seminar avvalida Nodirbek Sayfullayev har bir sohaning taraqqiy etishi uchun nazariy asos zarur ekanligini, shuning uchun ham ilmiy salohiyatni rivojlantirish, qilinayotgan ilmiy ishlarni amaliyotga tadbiq etish nihoyatda dolzarb vazifa hisoblanishini alohida qayd etib, “bugun jamiyatimizda “Uchinchi Renessans” poydevorini qurish bо‘yicha jadal ishlar amalga oshirilayotgan ekan, tabiiyki, О‘zbekiston davlat san’at va madaniyat instituti jamoasi ham bu yakdil maqsadga hamohang tarzda ijodiy ishlar bilan bir qatorda ilmiy faoliyatda ham katta yutuqlarga erishishi, uning zaminini qurishi va rivojlanish yо‘nalishlarini belgilab olishi zarur!” – dedi.

Shundan so‘ng San’atshunoslik va madaniyatshunoslik” kafedrasi professori, tarix fanlari doktori Abduhalil Mavrulov “Madaniyat fenomenini o‘rganishning o‘ziga хosligi” mavzusida ilmiy ma’ruza qildi.

Ma’ruzada ta’kidlanganidek, “Madaniyat insonning intellektual va ruhiy faoliyatini tartibga keltiruvchi, uni jamiyat ijtimoiy-madaniy hayotidagi faoliyatini muvofiqlashtiruvchi muhim hodisa hisoblanadi. G‘arbda madaniyatning ustuvor vazifasi sifatida ma’rifatlilik, bilimlilik, aql masalasi e’tirof etilsa, Sharqda ko‘proq tarbiya, ma’naviyatlilikka e’tibor berilgan”.

Shuningdek, Forobiy, Beruniy, Yusuf Xos Hojib, Navoiy, Avloniy kabi bir qancha mutafakkirlarning madaniayt haqidagi fikrlaridan iqtiboslar keltirildi.

Madaniyatning ijtimoiy safarbarlik funksiyasi bugungi kunda ayrim yoshlarimizning virtual dunyoga kirib ketishi, uning natijasida, jamiyatda ijtimoiylashuv jarayonining buzilishi, fuqarolarda individualistik dunyoqarashning kuchayib borayotgan bir paytida o‘ta muhim o‘ringa ega ekanligi ham alohida qayd etildi.

Ma’ruzaga “Madaniyat insonning yaratuvchilik faoliyatini tartibga soladigan, shaxs ma’naviy-madaniy kamolotiga, ruhiy-aqliy hayotiga ma’no-mazmun beradigan, uning maqsad-muddaolarini jamiyat ijtimoiy mo‘ljali bilan uyg‘unlashtirishga yordam beradigan fenomen ijtimoiy hodisa hisoblanadi”. – deya xulosa qilindi.

Mazkur mavzu va ma’ruza yuzasidan qizg‘in savol-javob va muhokama bo‘lib o‘tdi

Seminar yakunida Nodirbek Sayfullayev bunday formatdagi seminarlar muntazam tashkil etilishini hamda kelgusida institutda amalga oshirilayotgan ilmiy tadqiqotlarning sifat darajasiga yanada qat’iy e’tibor qaratilishini ma’lum qildi.

E’LON

2025-YIL 2-IYUN KUNI O‘ZBEKISTON DAVLAT SAN’AT VA MADANIYAT INSTITUTI HUZURIDAGI ILMIY DARAJA BERUVCHI PHD.08/28.08.2020.SAN.121.01 RAQAMLI ILMIY KENGASH ASOSIDAGI BIR MARTALIK ILMIY KENGASH MAJLISI BO‘LIB O‘TADI

 KUN TARTIBI:

Inatullayev Baxromjon Boqijonovichning 00.07 – Madaniyat nazariyasi va tarixi. Madaniyatshunoslik ixtisosligi bo‘yicha “Farg‘ona vodiysi qirg‘izlari madaniyatida etnik mansublik va integratsiya jarayonlari” mavzusidagi san’atshunoslik fanlari bo‘yicha falsafa doktori (PhD) ilmiy darajasini olish uchun taqdim etilgan dissertatsiyasi muhokamasi.

Majlis O‘zbekiston davlat san’at va madaniyat instituti “A” binosi,

2-qavat, majlislar zalida 12.00 da boshlanadi.

Dissertatsiya qo‘lyozmasi bilan O‘zbekiston davlat san’at va madaniyat instituti Axborot-resurs markazida tanishish mumkin.

E’LON

2025-YIL 2-IYUN KUNI O‘ZBEKISTON DAVLAT SAN’AT VA MADANIYAT INSTITUTI HUZURIDAGI ILMIY DARAJA BERUVCHI PhD.08/28.08.2020.SAN.121.01 RAQAMLI ILMIY KENGASH

MAJLISI BO‘LIB O‘TADI

KUN TARTIBI:

Karimova Muqaddas Abdisamatovnaning 17.00.01 – Teatr san’ati ixtisosligi bo‘yicha “Folklor-etnografik tomoshalar rejissurasining oʻziga xos xususiyatlari” mavzusidagi san’atshunoslik bo‘yicha falsafa fanlari doktori (PhD) ilmiy darajasini olish uchun taqdim etilgan dissertatsiyasi muhokamasi.

Majlis O‘zbekiston davlat san’at va madaniyat instituti “A” binosi,

2-qavat, majlislar zalida 10.00 da boshlanadi.

Dissertatsiya qo‘lyozmasi bilan O‘zbekiston davlat san’at va madaniyat instituti Axborot-resurs markazida tanishish mumkin.

Bugun yurtimiz bo‘ylab O‘zbekiston xalq shoiri Muhammad Yusuf tavalludining 71 yilligi munosabati bilan ko’plab ma’naviy-ma’rifiy tadbirlar tashkil etilmoqda.

Jumladan, O‘zbekiston davlat san’at va madaniyat instituti tomonidan Adiblar xiyobonida joylashgan shoir haykali poyida “Muhammad Yusuf Vatan kuychisi” deb nomlangan ma’naviy-ma’rifiy tadbir tashkil etildi.

Tadbir avvalida shoir haykali poyiga gulchambarlar qo’yilib, hurmat bajo keltirildi.

Shundan so‘ng O‘zbekiston xalq shoiri Iqbol Mirzo, O‘zbekiston Yozuvchilar uyushmasi raisi o‘rinbosari G‘ayrat Majid, shoirning rafiqasi Nazira as-Salom va boshqalar so‘zga chiqib, Muhammad Yusuf hayoti va ijodining ibrat bo’larli jihatlari, uning insoniy fazilatlari hamda Muhammad Yusuf ijodining o‘zbek she’riyati tarixidagi o‘rni va ahamiyati haqida so‘z yuritdi hamda unga bog‘liq bo‘lgan xotiralari bilan o‘rtoqlashdi.

Shundan so‘ng institutda ta’sis etilgan “Muhammad Yusuf” ko‘krak nishoni o’z egalariga taqdim etildi.

Ular bilan tarnishing:

O‘zbek va jahon filologiyasi kafedrasi mudiri, dotsent Ma’rufova Zulfiya Nabiyevna, Kino, televideniye va radio san’ati fakulteti dekani, dotsent Xidirova Kamola Sodikovna, “Vokal” kafedrasi dotsenti Sharipov Azamat Shonazarovich, Iqtidorli talabalarning ilmiy tadqiqot faoliyatini tashkil etish bo‘limi boshlig‘i Tuyg‘unov Doniyor Mirzayevich, “O‘zbek va jahon filologiyasi” kafedrasi katta o‘qituvchisi Kozimova Zumriniso Ismoilovna, Xalq ijodiyoti fakulteti Yoshlar bilan ishlash bo‘yicha dekan o‘rinbosari Xolmo‘minov Mo‘minmirzo Zokir o‘g‘li, “Madaniyat nazariyasi va tarixi. Madaniyatshunoslik” mutaxassisligi 2-bosqich tayanch doktoranti Qolqanotov Asilbek Nazarbay uli, Respublika Ma’naviyat va ma’rifat markazi Qorako‘l tuman bo‘linmasining Ma’rifat targ‘ibotchilari Eshshiyev Bobomurod Omonovich va Subhonova Ruqiya Usmonovna, Madaniyat va san’at muassasalarini tashkil etish hamda boshqarish” ta’lim yo‘nalishi 3-bosqich talabasi Nabiyeva Malika Orif qizi.

Shundan so ‘ng tadbirning badiiy qismiga navbatberildi. Unda institut professor-o’qituvchilari tomonidan Muhammad Yusufning she’rlaridan namunalar o’qildi hamda uning so‘zlari asosida yaralgan qo’shiqlardan namunalar ijro etildi.

Unda Madaniyat vazirligi tegishli bo‘lim boshliqlari hamda davlat teatrlari direktorlari va bosh rejissyorlari bilan birgalikda О‘zbekiston davlat san’at va madaniyat instituti rektori, professor Nodirbek Sayfullayev hamda prorektorlar, Teatr san’ati fakulteti dekani va tegishli kafedra mudirlari ishtirok etdi.

Yig‘ilishda О‘zbekiston Respublikasi Prezidentining “Teatrlarning jamiyat madaniy hayotidagi ahamiyatini oshirish va ular faoliyatini yanada qо‘llab-quvvatlash chora-tadbirlari tо‘g‘risida” 2024-yil 22-noyabrdagi 399-son qarori ijrosini ta’minlash yuzasidan teatrlar bilan ta’lim tashkilotlarining uzviy hamkorligini yо‘lga qо‘yish, О‘zbekiston davlat san’at va madaniyat institutiga maqsadli qabul kvotalari teatrlardagi kadrlarga bо‘lgan ehtiyojni inobatga olib belgilash, institutning 3 va 4-bosqich bakalavr hamda magistratura talabalarining haftada kamida ikki kun teatrlarda amaliy mashg‘ulotlar о‘tashini yо‘lga qо‘yish va boshqa bir qator masalalar muhokama qilindi.

Dastlab Avazxon Tadjixanov “Teatrlarning jamiyat madaniy hayotidagi ahamiyatini oshirish va ular faoliyatini yanada qo‘llab-quvvatlash chora-tadbirlari to‘g‘risida”gi qaror sohaning rivoji uchun ko’plab imkoniyatlar taqdim etganini alohida ta’kidlab o‘tdi. Shu bilan birga, bugungi kunda nafaqat teatrlarda balki barcha madaniyat muassasalarida, oliy ma’lumotga ega bо‘lgan malakali yosh mutaxassislarga ehtiyoj juda yuqori ekanligini, buning yechimi esa, oliy ta’lim muassasalarida, xususan, O‘zbekiston davlat san’at va madaniyat institutida tahsil olayotgan yosh kadrlarni amaliyotga va keyingi bosqichda ishga jalb qilish, ularni mehnat bozoriga tayyor kadrga sifatida borishlarini tо‘g‘ri yо‘lga qо‘yish ekanligini qayd etdi.

Nodirbek Sayfullayev bugungi kunda Davlatimiz Rahbari tomonidan oliy ta’lim sohasi vakillari oldiga qo’yilayotgan eng muhim talablardan biri bu dual ta’lim ekanligini, bunda talaba amaliyot yoki teatrlarda tashkil etilgan о‘quv jarayonlarida ishtirok etishi bilan bir qatorda, kamida 0.25 shtat birligida faoliyat olib borishi lozimligi, bu borada teatrlardagi bо‘sh vakant о‘rinlarga yuqori kurs talabalarni jalb etilsa, ular institutni tamomlagunga qadar mutaxassis sifatida shakllanishi, mehnat bozoridagi talablarga tо‘liq javob beradigan kadr bо‘lib yetishishilariga zamin yaratishini ta’kidladi. Shuningdek institut bilan teatrlar hamkorligini yanada kuchaytirish borasida ham fikrlarini bildirib o’tdi.

Yig‘ilish ochiq muloqot tarzida davom etdi hamda teatr direktorlari ham mavzu yuzasidan o’z fikr-mulohaza va takliflarini bayon qildi.

Hech sir emaski, O‘zbekiston davlat san’at va madaniyat institutida ayni paytda o‘z ijodi bilan tanilib ulgurgan hamda respublika va xalqaro tanlovlarda g‘olib va sovrindor bo‘lgan bir qancha iqtidor egalari tahsil olishmoqda.

Bugun institut rektori, professor Nodirbek Sayfullayev ana shunday iste’dodli talabalardan “Xush kayfiyat” respublika kо‘rik-tanlovi sovrindori Teatr san’ati fakulteti Musiqali teatr aktyorligi ta’lim yо‘nalishi sirtqi ta’lim bitiruvchi kurs talabasi Bahodir Fozilov bilan uchrashdi.

Uchrashuvda institut rektori Bahodir Fozilovni “Xush kayfiyat” kо‘rik-tanlovida faxrli 2-o’rin sohibi bo‘lgani bilan yana bir bor muborakbod etib, kelgusi ijodiga ulkan zafarlar tiladi.

Shuningdek, kelajakda yoshlar tarbiyasiga oid, ularni ma’naviyatini yuksaltirishga qaratilgan kontentlar yaratish, monospektakllar sahnalashtirish lozimligini, institut rahbariyati uning yangi ijodiy loyihalarini qo‘llab-quvvatlashga doimo tayyor ekanligini ma’lum qildi.

O‘z o‘rnida, talaba ham bunday e’tibordan mamnun ekanligini bildirib, kelgusida o‘z ijodida, albatta, bu tavsiyalarga amal qilishini aytib o‘tdi.

Suhbat jarayonida Bahodir Fozilov institutning “O‘quv teatrida” faoliyat yuritish istagini bildirdi hamda uning bu istagi ham qo‘llab-quvvatlandi.