Bugun O‘zDSMIda madaniyat va san’at sohasi xodimlariga professor va dotsent ilmiy unvonlarini berish marosimi bo‘lib o‘tdi. Unda Madaniyat vazirligi vakillari, xalq artistlari va hofizlari, olim va ziyolilar, el suygan san’atkorlar ishtirok etdi.

Taqdirlash marosimida Oliy Attestatsiya Komissiya raisi Ahmadbek Yusupov, Madaniyat vaziri o‘rinbosari Bahodir Ahmedov hamda oliygoh rektori v.b. Eldor Shermanov ishtirok etdi.

Professor va dotsent ilmiy unvonlari bilan taqdirlanganlar ro‘yxati bilan tanishishing:

Professor ilmiy unvoni bilan:
Karim Yo‘ldoshev, Erkin Komilov, Muhammadali Abduqunduzov, Nasiba Abdullayeva, Shuhrat Rizayev, Murodjon Toshmatov, Abdulahad Abdurashidov, Aida Abdullayeva, Elmurod Ahmedov, Samandar Alimov.

Dotsent ilmiy unvoni bilan:
Bahodir Ahmedov, Boltaboy Shodiyev, Ayshaxon Jo‘rayeva, Shomurod Yusupov, Aleksandr Bekchanov, Gulshan Azizova, Zamira Rahmatullayeva, Karima Jabborova, Alisher Madrahimov, Nodira Mahmudova, Muhsinjon Mo‘minov, Jahongir Ahmedov, Muhabbat Gulyamova.

Tadbir davomida el suygan ustoz san’atkorlar bugungi kunda mamlakatimizda amalga oshirilayotgan islohotlar, Prezident tomonidan madaniyat va san’at sohasiga alohida e’tibor qaratilayotgani e’tirof etilib, ilmiy unvonga munosib ko‘rilgani uchun minnatdorchilik bildirdi.

Bugun O‘zbekiston davlat san’at va madaniyat institutida O‘qituvchi va murabbiylar kuni munosabati bilan bayram konserti tashkil etildi.

Tadbirni Ilmiy ishlar va innovatsiyalar bo’yicha prorektor Sobir Jumayev ochib berib, ortda qolgan o‘quv yilida qo‘lga kiritilgan yutuqlar, soha bo‘yicha amalga oshirilgan islohotlar to‘g‘risida fikr yuritdi hamda barcha ustoz-murabbiylarga sihat-salomatlik, omad va muvaffaqiyat tiladi.

Shu bilan birga, ayni damda xizmat safari bilan Rossiya Federatsiyasida bo‘lib turgan institut rektori v.b. Eldor Shermanov tomonidan yo‘llangan videomurojaati namoyish etildi.

Konsert dasturida xalq artistlari, xalq hofizlari bilan bir qatorda iste’dodli talabalarning chiqishlari tomoshabinlar olqishiga sazovor bo‘ldi.

Qayd etish joiz, bayram arafasida Oliy taʼlim, fan va innovatsiyalar vazirining buyrugʻi bilan oliygohimizning ikki nafar professor-o‘qituvchisi “Oliy taʼlim aʼlochisi” koʻkrak nishoni bilan taqdirlandi.

Bugun O‘zbekiston davlat san’at va madaniyat instituti rahbariyati Birlashgan Millatlar Tashkiloti Bosh Assambleyasi tomonidan shartnomaviy tashkilot sifatida tashkil etilgan Tinchlik universiteti rektori Fransisko Roxas Aravena, YUNESKO tashkilotining Osiyo mintaqasi bo‘yicha Bosh kotibi Mun Heung Suk hamda Fransiya xalqaro musiqa akademiyasi vakillari bilan uchrashuv o‘tkazdi.

Uchrashuv davomida oliygohimiz bilan Birlashgan Millatlar Tashkiloti Tinchlik instituti o‘rtasida hamkorlikni rivojlantirish masalasi muhokama qilindi.

Shuningdek, O‘zbekistonda bo‘lib o‘tadigan xalqaro madaniyat festivallarida Shimoliy Amerika va Janubiy Amerika vakillarining ishtirokini sezilarli ko‘paytirish borasidagi takliflar ilgari surildi.

Qolaversa, hamkorlik doirasida investisiya dasturlarini amalga oshirish hamda kelgusida memorandum imzolashga kelishib olindi.

Shu bilan birga, mehmonlar oliygohimizning o‘quv teatri faoliyati bilan tanishdi.

Bugun O‘zbekiston davlat san’at va madaniyat institutida ota-onalar kongressi bo‘lib o‘tdi. Unda barcha fakultetda tahsil oluvchi birinchi bosqich talabalarining ota-onalari ishtirok etdi. Uchrashuvda institut rektori v.b. Eldor Shermanov boshchiligida prorektorlar, fakultet dekanlari va ularning o‘rinbosarlari hamda tyutorlar qatnashdi.

Kongress doirasida o‘quv jarayonining borishi, talabalarning darslarda ishtiroki, odob-axloq kodeksi va institut ichki tartib-intizomi, talaba-yoshlarning turli tanlov va festivallarda ishtirokini ta’minlash, talabalar turar joyi va ijara xonadonlarida yashash tartibi yuzasidan atroflicha ma’lumot berildi.

Bundan tashqari, yoshlarning qobiliyatini yuzaga chiqarish, ularni rag‘batlantirish hamda kitobga oshno bo‘lishini ta’minlash, ularning xorijiy tillarni o‘rganishi uchun munosib sharoit yaratishda ota-onalar bilan hamkorlikni yo‘lga qo‘yish muhim ahamiyat kasb etishi ta’kidlab o‘tildi. O‘z navbatida, ota-onalar farzandlari uchun yaratilgan shart-sharoitlar bilan yaqindan tanishib, bundan mamnun bo‘lganliklarini e’tirof etishdi.

Tadbir davomida ota-onalar uchun «Qora quyosh» spektakli namoyish etildi. Shundan so‘ng mehmonlar uchun kofe-breyk tashkil etildi.

Shu bilan birga, ota-onalar o‘quv xonalari va dars jarayonlari bilan yaqindan tanishib, professor-o‘qituvchilar bilan muloqot qildi.

Bugun O‘zbekiston davlat san’at va madaniyat institutida Nodira Kasimovaning san’atshunoslik fanlari bo‘yicha falsafa doktori (PhD) ilmiy darajasini olish uchun taqdim etgan dissertatsiya ishi himoyasi bo‘lib o‘tdi.

«O‘zbekistonda qisqa metrajli badiiy kinoning rivojlanishidagi o‘ziga xos xususiyatlar» mavzusida yoqlangan himoya dissertatsiyasida sohadagi muammo va kamchiliklar atroflicha yoritib berildi.

Dissertatsiya himoyasi natijasiga ko‘ra, kengash a’zolari tomonidan Nodira Kasimova san’atshunoslik fanlar bo‘yicha falsafa doktori (PhD) ilmiy darajasini olish uchun loyiq deb topildi.

O‘zbekiston davlat san’at va madaniyat instituti jamoasi Nodira Kasimovani dissertatsiyani muvaffaqiyatli himoya qilganligi bilan tabriklaydi va kelgusidagi ilmiy va kasbiy faoliyatida ulkan zafarlar tilaydi.

Bugun O‘zbekiston davlat san’at va madaniyat institutida Robiya Tursunmetovaning san’atshunoslik fanlari bo‘yicha falsafa doktori (PhD) ilmiy darajasini olish uchun taqdim etgan dissertatsiya ishi himoyasi bo‘lib o‘tdi.

«Zamonaviy o‘zbek badiiy kinosida xarakter talqinlari» mavzusida yoqlangan himoya dissertatsiyada tadqiqot ishining dolzarbligi va zarurati, muammoning o‘rganilganlik darajasi, ilmiy yangiligi, tadqiqotning respublika fan va texnologiyalari rivojlanishining ustuvor yo‘nalishlariga bog‘liqligi, tadqiqot ob’yekti, predmeti, metodlari, maqsadi va vazifalari belgilangan, ilmiy va amaliy ahamiyati, amaliyotga joriy qilingani, dissertatsiya mavzusi bo‘yicha nashr etilgan maqolalar, tadqiqot ishining tuzilishi to‘g‘risida atroflicha ma’lumot keltirilgan.

Dissertatsiya himoyasi natijasiga ko‘ra, kengash a’zolari tomonidan Robiya Tursunmetova san’atshunoslik fanlar bo‘yicha falsafa doktori (PhD) ilmiy darajasini olish uchun loyiq deb topildi.

O‘zbekiston davlat san’at va madaniyat instituti jamoasi Robiya Tursunmetovani dissertatsiyani muvaffaqiyatli himoya qilganligi bilan tabriklaydi va kelgusidagi ilmiy va kasbiy faoliyatida ulkan zafarlar tilaydi.

Bugun O‘zbekiston davlat san’at va madaniyat institutida mamlakatimiz miqyosida sport sohasida muvaffaqiyatli natijalar qayd etgan sportchilar bilan uchrashuv bo‘lib o‘tdi.

O’zbekiston davlat jismoniy tarbiya va sport universiteti bilan hamkorlikda tashkil etilgan davra suhbatida mazkur oliy ta’lim muassasasining «Milliy kurash turlari nazariyasi va uslubiyoti» hamda «Yakka kurash turlari» kafedralari qoshidagi ta’lim yo‘nalishlari talabalari bo‘lgan muaytay bo‘yicha sport ustalari — Shahriyor Rashidov va Alisher Komiljonov hamda belbog‘li kurash bo‘yicha jahon va O‘zbekiston chempioni Og‘abek Amatbayev sportga kirib kelish tarixi, erishgan natijalari, bosib o‘tgan mashaqqatli yo‘li to‘g‘risida o‘z taasurotlari bilan o‘rtoqlashdi.

Uchrashuv davomida talabalar o‘zlarini qiziqtirgan savollarga javob olishdi.

Bunday tadbirlardan maqsad sport va san’at vakillari o‘rtasida do‘stona aloqalarni yo‘lga qo‘yish, sportchilar uchun ijodiy, oliygohimiz talabalarimiz uchun esa sog‘lom turmush tarziga oid qiziqish va ko‘nikmalarini shakllantirish hisoblanadi.

Bugun Fransiyaning O‘zbekistondagi elchixonasi Campus France agentligi vakili Sipriyan Lyorua tomonidan O‘zbekiston davlat san’at va madaniyat institutining bitiruvchi talabalari uchun seminar o‘tkazildi.

Seminarda Fransiya madaniyati va san’ati, sohaga oid tashkilotlar, tarixiy maskanlari to‘g‘risida ma’lumot berildi.

Qolaversa, Yevropa mamlakatidagi madaniyat va san’atga ixtisoslashgan oliy ta’lim muassasalari faoliyati, u yerda tahsil olish imkoniyatlari, grant dasturlari, universitetlarga o‘qishga kirish uchun belgilangan talablar to‘g‘risida atroflicha ma’lumot berildi.

Davra suhbatida talabalar o‘zlarini qiziqtirgan savollar yuzasidan tegishli ma’lumotlarga ega bo‘ldi.