Bugun O‘zbekiston davlat san’at va madaniyat institutida «Zakovat» intellektual o‘yinining noyabr oyi 4-tur bahslari o‘tkazildi.

Mazkur bahslarda oliygohda kunduzgi va sirtqi ta’lim yo‘nalishlarida tahsil oluvchi o‘nga yaqin jamoa ishtirok etdi.

Natijalarga ko‘ra, kino, televideniye va radio san’ati fakulteti talabalari oy g‘olibi sifatida ko‘chma kubokni yana o‘zlarida olib qolishga muvaffaq bo‘ldi.

Eslatib o‘tamiz, bellashuvlar haftaning har shanba kunlari o‘tkazilib, unda barcha talaba-yoshlar ishtirok etishi mumkin.

Bugun O‘zbekiston davlat san’at va madaniyat institutida qayta ta’mirlanib, zamonaviy ko‘rinishda jihozlangan mehmonxonaning ochilish marosimi bo‘lib o‘tdi.

Tadbirda institut rahbariyati, professor-o‘qituvchilar ishtirok etib, xonalarni bevosita ko‘zdan kechirdi.

«So‘nggi yillarda xorijiy mamlakat oliygohlari bilan hamkorlik aloqalarimiz qamrovining kengayib borishi natijasida institutimizga mahorat darslari o‘tkazish hamda tajriba almashish maqsadida tashrif buyurayotgan chet ellik professor-o‘qituvchilar va talabalarning soni sezilarli ravishda ko‘paydi. Bu esa ularga zarur shart-sharoitlarni yaratib berishni taqozo etardi. Shu bois, mehmonlarga har tomonlarga qulaylik yaratish maqsadida mazkur mehmonxonani qaytadan ta’mirladik. Bu yerda nafaqat xorijiy mehmonlar, balki farzandini yo‘qlab kelgan ota-onalar ham istiqomat qilishi mumkin. Bosqichma-bosqich talabalar turay joyini ham shunday ko‘rinishga keltirishni rejalashtirganmiz», dedi institut rektori v.b. Eldor Shermanov.

Marosimdan so‘ng institut rahbariyati tomonidan inshoot ishga tushirilishida hissa qo‘shgan xodimlarga minnatdorchilik bildirildi.

O’zbekiston davlat san’at va madaniyat institutida talabalar turar joyida yashovchi ijodkor talabalar tomonidan «Talabalar oqshomi» deb nomlangan konsert dasturi namoyish etildi.

Unda talabalar darslar davomida o’zlashtirgan ijodiy mahoratlarini namoyish etib, tadbirga yig’ilgan barchaga xush kayfiyat ulashdi.

Tadbir so’nggida talabalar turar joyida namunali yashayotgan talabalarga rahbariyat tashakkurnomari topshirildi.

Bunday yuqori kayfiyatdagi ma’naviy-ma’rifiy tadbirlar talabalarning bo’sh vaqtini mazmunli o’tkazish va o’z ijodiy salohiyatini namoyish etishlari uchun muntazam o’tkazilmoqda.

Bugun O‘zbekiston davlat san’at va madaniyat institutiga Turkiyadagi Istanbul madaniyat universitetining xalqaro aloqalar bo‘yicha rasmiy vakili Sevda Fayzullayeva tashrif buyurdi.

Uchrashuv davomida ikki oliygoh o‘rtasida do‘stona aloqalar, talabalar almashinuvini yo‘lga qo‘yish, shuningdek, professor-o‘qituvchilar tomonidan mahorat darslari tashkil etish borasida fikr almashildi.

Qolaversa, madaniyat va san’at menejmenti, dizayn, animatsiya va boshqa yo‘nalishlarda hamkorlik qilish masalalari muhokama qilindi.

Ma’lumot uchun, Istanbul madaniyat universiteti 1997-yil 9-iyulida tashkil etilgan bo‘lib, bugungi kunda oliygohda 15 mingga yaqin talaba tahsil oladi. Shu jumladan, joriy yil ellik nafarga yaqin o‘zbekistonlik yoshlar mazkur universitet talabasiga aylandi.

Istanbul madaniyat universiteti dunyoning eng yaxshi mingta oliygohi ro‘yxatidan o‘rin olgan oliy ta’lim muassasalaridan biri hisoblanadi.

Bugun O‘zbekiston davlat san’at va madaniyat institutida tadqiqotchi Paraxat Mamutovning “Zamonaviy qoraqalpoq teatri: an’ana va yangi tendensiyalar” mavzusida san’atshunoslik fanlari bo‘yicha falsafa doktori (PhD) ilmiy darajasini olish uchun tayyorlangan dissertatsiya muhokamasi bo‘lib o‘tdi. Unda institut rahbariyati, ilmiy kengash a’zolari va tadqiqotchilar ishtirok etdi.

Seminarda tadqiqotchi tomonidan qoraqalpoq etnomadaniyati, o‘lkada zamonaviy teatr tomoshalarining paydo bo‘lishi va rivojlanishi, mamlakatimizda teatr sohasi bo‘yicha amalga oshirilayotgan islohotlar, sohaning muammo va kamchiliklari aks ettirilgan tadqimot namoyish etildi.

Shu bilan birga, professor-o‘qituvchilar ilmiy ishning yutuq va kamchiliklarini muhokama qilindi.

Ilmiy rahbar: san’atshunoslik fanlari nomzodi, professor Amanulla Zufarovich Rizayev

Bugun O‘zbekiston davlat san’at va madaniyat institutida tadqiqotchi Matluba Isoqovaning “Xorazm etnomadaniyati va Yevropa rusumidagi teatrning rivojlanishi” mavzusida san’atshunoslik fanlari bo‘yicha falsafa doktori (PhD) ilmiy darajasini olish uchun tayyorlangan dissertatsiya muhokamasi bo‘lib o‘tdi. Unda institut rahbariyati, ilmiy kengash a’zolari va tadqiqotchilar ishtirok etdi.

Seminarda tadqiqotchi tomonidan Xorazm etnomadaniyati, o‘lkada zamonaviy teatr tomoshalarining paydo bo‘lishi va rivojlanishi, mamlakatimizda teatr sohasi bo‘yicha amalga oshirilayotgan islohotlar, sohaning muammo va kamchiliklari aks ettirilgan tadqimot namoyish etildi.

Shu bilan birga, professor-o‘qituvchilar ilmiy ishning yutuq va kamchiliklarini muhokama qilib, yakunda dissertatsiya himoyaga tavsiya etildi.

Ilmiy rahbar: san’atshunoslik fanlari doktori, professor Muhabbat Turobovna To‘laxo‘jayeva

Bugun O‘zbekiston davlat san’at va madaniyat institutida tadqiqotchi Sardor Mannonovning «Pantomima san’atining asosiy xususiyatlari va o‘ziga xos tamoyillari» mavzusida san’atshunoslik fanlari bo‘yicha falsafa doktori (PhD) ilmiy darajasini olish uchun tayyorlangan dissertatsiya muhokamasi bo‘lib o‘tdi. Unda institut rahbariyati, ilmiy kengash a’zolari va tadqiqotchilar ishtirok etdi.

Seminarda tadqiqotchi tomonidan pantomima san’atining tarixi va rivojlanish bosqichi, mamlakatimizda mazkur san’at darajasi, shuningdek, muammo va kamchiliklari aks ettirilgan tadqimot namoyish etildi.

Shu bilan birga, professor-o‘qituvchilar tomonidan dissertatsiyaga oid savollar berildi hamda ilmiy ishning yutuq va kamchiliklari muhokama qilinib, himoyaga tavsiya etildi.

Ilmiy rahbar: san’atshunoslik fanlari nomzodi, professor Omanulla Rizayev

Bugun O‘zbekiston davlat san’at va madaniyat instituti o‘quv teatrida xalq ijodiyoti fakulteti ashula va raqs ta’lim yo‘nalishi ta’lim yo‘nalishi 4-bosqich talabalarining «Raqslar jilosi» nomli sinf konserti bo‘lib o‘tdi.

Dastlab institut rektori v.b. Eldor Shermanov so‘zga chiqib, talabalarga ilmiy-ijodiy muvaffaqiyat tiladi.

«Talabalik davri inson hayotining eng gullagan, intilishlar cho‘qqisida bo‘lgan hamda shirin xotiralarga boy bosqichi hisoblanadi. Talabalik bejizga oltin davr deyilmaydi. Men uchun quvonarlisi, bugungi konsert dasturida ishtirok etayotgan barcha yigit-qizlarning tanish ekanligidadir, ya’ni ular yillar davomida o‘z ijodiy chiqishlari bilan biz va ustozlar e’tiboriga tushgan. O‘ylaymanki, ularning barchasi yetuk san’atkor, olim, rahbar bo‘lib yetishadi. Faqatgina ulardan ilm olish, ijod qilish va intilishdan to‘xtab qolmasliklarini so‘rab qolardim. Barchangizga omad va zafarlar tilab qolaman» — dedi Eldor Shermanov.

Tadbir davomida talabalar hayoti aks ettirilgan videolar jamlanmasi, shuningdek, bir-biridan go‘zal xalqona va zamonaviy raqs ijrolari namoyish etilib, tomoshabinlar olqishiga sazovor bo‘ldi.