Muqaddas Xoliqova (14.04.1960)

    Muqaddas Holiqova 1960-yil 14-aprelda Toshkent shahrida tug‘ilgan. 1977yili Toshkent Davlat san’at instituti “Teatr va kino” aktyorligi fakultetiga o‘qishga kirib, 1981-yili o‘qishni muvaffaqiyatli tugatgan. Shu yili O‘zbek Milliy Akademik drama teatriga, aktirisa sifatida ishga qabul qilindi. Muqaddas Holiqova san’atdagi ijodining dastlabki yillaridan to shu kunga qadar, takrorlanmas obrazlar yaratib, teatrning yetuk aktrisalaridan biriga aylandi. U Hamzaning “Boy ila xizmatchi”sida Poshsha oyim, F.Musajonovning “Najot istab”ida qaynona, “Avg‘on reportaji”da jurnalist, “Tuhmat”da qizil tanli, Karlo Gatssining “Baxtli gadolar”ida qiz, Shekspirning “Koriolan”ida ayol, O‘. Hoshimovning “Qatog‘on”ida ayol va bir qancha ko‘p rollarni mahorat bilan ijro etgan. 2001-yili “O‘zbekistonda xizmat ko‘rsatgan artist” unvoniga sazovor bo‘lgan. Muqaddas Holiqova bir qator videofilmlarda yorqin obrazlar yaratdi. “Alisher Navoiyda” kanizak, Cho‘lponning “Kecha va kunduz”, “Bobur” Jahongir Mirzoning onasi, M.Yunusovning “Layli va Majnun”ida enaga, M.Boboyevning “Ko‘ngil ko‘chalari”da o‘quvchining onasi, M.Asadullayevning “Qirq tog‘oraning qirq nog‘orasi”da Tursinoy, “Shunchaki hazil” da ayol kabi rollarni mahorat bilan ijro etgan.

Ginzburg Aleksandr Osipovich (1916 – 23.06.1973)

    Teatr rejissori. Oʻzbekistan xalq artisti (1959). Toshkent yosh tomoshabinlar teatri (1946—51), Hamza teatri (195158, 1960-65, 1971-73), Toshkent rus drama teatri (1958—60) bosh rejissor, “A.Ostrovskiy nomidagi Toshkent teatr va rassomlik san’ati” (O’zbekiston davlat san’at va madaniyat instituti) (1951—65). Sahnalashtirgan spektakllari: «Dengizdagilar sharafiga», «Aybsiz aybdorlar», «Yulduzlar jamoli» (T. Xoʻjayev bilan hamkorlikda), «Turkiya haqida qikoya» (A. Turdiyev bilan hamkorlikda), «Ogʻriq tishlar», «Qaroqchilar». «Soʻnggi pushaymon», «Gang daryosining qizi», «Jazoir – mening Vatanim», «Yuliy Sezar», «Mirzo Ulugʻbek», «Tobutdan tovush», «Nomaʼlum kishi», «Qonli sarob», «Qashshoq qalb egasi» va boshqalar.

Aziza Begmatova (07.09.1943)

    Aziza Begmatova 1943-yil 7-sentyabr sanasida Surxandaryo viloyatida tug‘ilgan. Aktrisaning bolaligi urush yillariga to‘g‘ri kelgan shu sababdan u bolalar uyida katta bo‘lishga majbur bo‘lgan. Maktabni tamomlagach aktrisa bo‘lgan qiziqishi tufayli Toshkent teatr va rassomchilik san’ati oliygohida tahsil olgan. U o‘z faoliyatini Abror Xidoyatov nomidagi O‘zbek davlat drama tearida boshlagan. Aziza Begmatova hozirgacha 50 dan oshiq film va spektakllarda qatnashgan. U nafaqat o‘zbek kinosida balki bir nechta rus filmlarida ham suratga tushgan. Ushbu aktrisa o‘zbek tomoshabinlariga “Checha” nomli spektaklidagi Checha obrazi orqali tanilgan. Shu boisdan ko‘pchilik tomoshabinlar aktrisa haliga “Checha” nomi bilan tanishadi. Aktrisa o‘zining san’at sohasidagi ko‘p yillik xizmatlari uchun “O‘zbekiston xalq artisti” unvoni bilan taqdirlangan. Hozirgi kunda 76 yoshdagi Aziza Begmatova hali ham o‘zining aktrisalik faoliyatini davom ettirib kelmoqda.

Lola Badalova (1928)

Lola Badalova 1928-yilda Toshkent shahrida tug‘ilgan. 1945-yilda Toshkent kinostudiyasi (o‘sha paytdagi “O‘zbekfilm” kinostudiyasi) qoshidagi kino aktyori maktab-studiyasini, 1945-yilda “A.Ostrovskiy nomidagi Toshkent teatr va rassomlik san’ati” (O’zbekiston davlat san’at va madaniyat instituti) institutining “Dramatik teatr va kino aktyorligi” yo’nalishini tamomlagan. (1951). 1946-yildan nomidagi Davlat akademik drama teatri aktrisasi boʻlib ishlagan. Hamza (hozirgi O‘zbek Milliy Akademik drama) teatri sahnasida yuzga yaqin obrazlar yaratgan. Kinoda epizodik rollarda («Toxir va Zuhra» (1945, rej. Nabi Gʻaniyev )) rol oʻynay boshladi.), «Piano kontserti»). L.Badalovaning kinodagi ilk katta roli G.Kozintsev va L.Trauberglarning “Bo‘ron” filmidagi Lola roli bo‘ldi. U 20 dan ortiq filmlarda rol o’ynagan: «Askarlar tug’ilmaydi» («Mosfilm»), «Quyosh bilan qayt», «Biz seni kutamiz, yigit», «Asosiy kun», “Bir qatorda yuz satr”, “Sen tomon”, “Issiq quyosh ostidagi uy”, “Senga shahar beraman”, “Olovli qirg‘oq”, “Tashvish davri” va boshqalar. “Olovli yo‘llar” seriali badiiy filmida Hamzaning onasi rolini ijro etgan. 500 ga yaqin filmni oʻzbek tiliga dublyaj qilishda ishtirok etgan. O‘zbekiston SSRda xizmat ko‘rsatgan artist.

Iroda Mirzaxonovna Aliyeva (17.12.1929 – 07.06.1989)

    Oʻzbekiston xalq artisti (1967). “A.Ostrovskiy nomidagi Toshkent teatr va rassomlik san’ati” (O’zbekiston davlat san’at va madaniyat instituti) institutining “Dramatik teatr va kino aktyorligi” yo‘nalishini tamomlagan (1951), Hamza (hozirgi O‘zbek Milliy Akademik drama) teatrida ishladi (1951–1972), 1972–1989-yillar «Oʻzbekfilm» kinostudiyasida aktrisa. Nasiba («Ogʻriqtishlar»), Muqaddas («Chin muhabbat»), Shirin («Bir sevgi afsonasi»), Guzin («Turkiya haqida hikoya»), Kamola (R. Tagorning «Halokat» romani asosida yaratilgan inssenirovka – «Gang daryosining qizi»), Maryam («Jazoir, mening vatanim»), Asal («Sarvqomat dilbarim»), Nazokat («Parvona») rollarida Aliyeva muvaffaqiyat qozondi va lirik rollar ijrochisi sifatida tanildi. Yuksak texnika, mukammal sahna nutqiga ega boʻlgan Aliyeva qahramonlarining dunyoqarashi va ichki kechinmasini oʻziga xos sharqona xususiyat, nazokat bilan ifodalashga erishgan.

    Kinoaktyor teatr-studiyasida Nina (A. Kason, «Yetti faryod», 1973), Enaga (A. Korneychuk, «Platon Krechet», 1974) va boshqa rollarni ijro etdi. Kinoda: «Akmal, ajdaho va malika» (1980), «Akmalning yangi sarguzashtlari» (1983) filmlarida yalmogʻiz kampir obrazini yaratdi.

Melis Abzalov (18.11.1938 – 26.10.2016)

    Oʻzbek aktori, rejissori va ssenariychisi, Oʻzbekistonda xizmat koʻrsatgan artist (1987). M. Abzalav oʻzbek kinosining asoschilaridan va eng yorqin namoyondalaridan biri hisoblanadi. Melis Abzalovning eng mashhur filmlari “Suyunchi“ (1982), „Kelinlar qoʻzgʻoloni“ (1984), “Armon“ (1986) va „Oʻtgan kunlar“ (1997) filmlaridir. Melis Oripovich Abzalov 1938-yil 18-noyabrda Yangiyoʻlda tavallud topgan. U 1961-yil “A.Ostrovskiy nomidagi Toshkent teatr va rassomlik san’ati” (O’zbekiston davlat san’at va madaniyat instituti) institutining “Dramatik teatr va kino aktyorligi” yo’nalishini tamomlagan. 1962-yil “Oʻzbekfilm“da ishlashni boshlagan. Abzalov 1961-yil Toshkent davlat sanʼat institutini tugatgan. 1961-1962-yillar Yosh tomoshabinlar teatrida aktor boʻlib ishlagan. 1962 – 1965-yillar “Oʻzbekfilm“ kinostudiyasida rejissor assistenti, keyinchalik rejissor va aktor, 1989-yildan “Vatan“ kinostudiyasining badiiy rahbari boʻlib faoliyat yuritgan.

    Abzalov ijodiga komediya janridagi filmlar yaqin boʻlib, ular oʻziga xos milliy boʻyoqlarga boyligi, xarakterlarning toʻliq ochilganligi bilan ajralib turadi. Filmlarida yengil lirika oʻtkir satirik epizodlar bilan uygʻunlashib ketadi. Abzalov aktor sifatida Abdulla („Yettinchi oʻq“), Olloyorboy (“Inson qushlar ortidan boradi“), Eshon Zaynullo (“Qoʻqon voqeasi“), Qorashoh (“Arslonning sarguzashtlari”) va boshqa obrazlarni yaratgan. Rejissor sifatida „Chinor ostidagi duel“, “Suyunchi“, “Kelinlar qoʻzgʻoloni“, “Armon“, “Maysaraning ishi“, “Koʻzlarim yoʻlingda“, “Oʻtgan kunlar“ kabi filmlarni ishlagan.

Nukus filiali tarixi

Xalqimiznin bektakror san’ati va madanitini yanada yuksaltirish, madanit va san’at sohasida teatr, kino, televideniye va xalq ijodiyoti yo‘nalishlari bo‘yicha yuqori toyifadagi akterlar va san’ashunoslik sohasida mutaxassislarniyorlash maqsad ida 2008 yil 28 aprelya O‘zbekiston Respublikasi Prezidentining «O‘zbekiston davlat san’at institutinning Nukus filialini tashkil etishor-tadbirlari to‘g‘risida»gi PQ 845-son qarori qabul qilindi.

Qarorga muvofiq, O‘zbekiston davlat san’at institutining Nukus filiali tashkil etildi. Keyinchalik 2012 yil 4 iyunya «O‘zbekiston davlat san’at va madanit instituti tashkil etish to‘g‘risida»gi PQ-1771-son qaroriga asos O‘zbekiston davlat san’at va madaniyat institut nukus filiali bo‘lib qayta tashkil etildi.

Filial dastlabki ochilgan yili «Saxna v ekran san’ati dramaturgiyasi» v «Drama teatri v kinoaktyorligi san’ati» ta’lim yo‘nalishlarida 25 talaba qabul qilingan bo‘lsa, hozirgi vaqtda 9ta ta’lim yo‘nalishi bo‘yicha 700 dan ortiq talaba bilim olmoqda. Bugingi kunda filiala 1ta fakultet va 5ta kafedrada 54 professor-o‘qituvchi talabalarning yetuk kadr bo‘lib yetilishida ta’lim-tarbiya berib kelmoqda.

Filialda O‘zbekiston v Qoraqalpog‘iston xalq arlari, O‘zbekiston v Qoraqalpog‘istonga xizmat kursgan artistlar, Qoraqalpog‘iston xalq baxshilarining dars berayotganligi nazariy bilimlar va amaliyotni o‘z-aro bog‘ liqlik holda olib borishga, shuningdek, talaba-yoshlarning o‘z ta’lim yo‘nalishlari bo‘yicha yetuk mutaxassis bo‘lib etishida katta ahamiyat kasb etadi.

2020-2021-o‘quv yilida filialning kunduzgi bo‘limiga yangidan «Professional ta’lim: Xalq ijodiyoti (Vokal ijrochiligi)» ta’lim yo‘nalishi bilan birga, mazkur yilda filialning sirtqi bo‘limi ham ochildi. Yangidan ochilgan sirtqi bo‘limda «San’atshunoslik (saxna va ekran san’ati dramaturgiyasi)», «Madanat va san’at muassasalarini tashkil etish va boshqarish», «Kutubxona-axborot xizmati (kutubxonachilik vabibliografiya)» ta’lim yo‘nalishlari uchunvo k talar ajratilgan bo‘lib, bugungi kunda sirtqi bo‘limda 100 nafar talaba bilim olmokda. Filialda bilim olayotgan talaba-yoshlarning san’atga bo‘lgan kiziquvchanligini orttirish maqsadida 2018 yili «Tumar» raqs ansambli tashkil etildi. Qisqa davr ichida «Tumar» raqs ansamblya respublikimiz miqyosida keng tanildi va bugungi kunda Mustaqillik va Navruz bayramlarida o‘z konsert dasturlari bilan ishtirok etib kelmoqda.

Batafsil Nukus filiali haqida ->