Bugun O‘zbekiston davlat san’at va madaniyat instituti Yoshlar masalalari va ma’naviy-ma’rifiy ishlar bo‘yicha birinchi prorektor Shohbek Ergashev, Ijtimoiy-ma’naviy muhit barqarorligini ta’minlash bo’yicha rektor maslahatchisi Alisher Ishchanov hamda bir qancha mas’ullar ijara xonadonlarda hamda Talabalar turar joyida istiqomat qilayotgan talabalar holidan xabar oldi.

Xususan, Mirzo Ulug‘bek tumani “Bog‘imaydon” MFY hududida ijara xonadonlarda istiqomat qilayotgan talabalarning ijara xonadonlariga tashrif davomida institut mas’ullariga mahalla Yoshlar yetakchisi hamda Hokim yordamchisi hamrohlik qildi.

⚡️Ma’lumki, ayni paytda barcha OTMlarda talabalar uchun qishki ta’til tugab dars jarayonlari davom ettirilmoqda. Talabalar Yakuniy nazoratlarga qizg‘in tayyorgarlik ko‘rishmoqda.

✅Mas’ullar talabalar bilan suhbat qurar ekan ushbu sinovlarda omad tilashdi. Shuningdek,talabalarning yashash sharoiti, mashg’ulotlari, ijara xonadonlari va Talabalar turar joyidagi issiqlik tizimi holatlari yana bir bor kо‘zdan kechirildi.

14-yanvar Vatan himoyachilari kuni munosabati bilan yurtimizda ko‘plab tadbirlar tashkil etilmoqda.

Jumladan, O‘zbekiston davlat san’at va madaniyat institutida ham ushbu bayramni ko ‘tarinki o‘tkazish bo‘yicha bir qancha ishlar amalga oshirilmoqda.

Bugun institut Yoshlar ittifoqi boshlang‘ich tashkiloti «Parvoz volontyorlari» jamoasi tomonidan Mirzo Ulug‘bek tumani Shahriobod mahallasida istiqomat qiluvchi Ikkinchi jahon urushi mehnat faxriysi 90 yoshli onaxon Zinayida Balchinkova holidan xabar olindi.

Suhbat davomida Zinayida Balchinkova yoshlik davri Ikkinchi jahon urushi davrlariga to’g’ri kelgani hamda front ortida xizmat qilgani, boshidan o‘tgan qiyinchiliklar haqida hikoya qilar ekan, bugungi tinch va osuda hayotimizni qadriga yetishimiz, uni asrab-avaylash har birimizning burchimiz ekanligini, ayniqsa, yosh avlod ongida Vatanga muhabbat, tinchlik va osoyishtalikni qadriga yetish kabi tuyg’ularni shakllantirish lozimligini ta’kidlab, bugungi e’tibor uchun minnatdorchilik bildirdi hamda barchani bayrambilan muborakbod etdi.

Bugungi tinch va osuda hayotimizni qadriga yetish, uni asrab-avaylash har birimizning burchimizdir. Ayniqsa, yosh avlod ongida Vatanga muhabbat, tinchlik va osoyishtalikni qadriga yetish kabi tuyg’ularni shakllantirish muhim ahamiyatga ega.

Shu maqsadda O‘zbekiston davlat san’at va madaniyat institutida Kutubxona-axborot faoliyati fakulteti o’qituvchisi Yusuf Mannonov hamda nafaqadagi harbiy Faxriddin Begimqulov ishtirokida davra suhbati tashkil etildi.

Davra suhbatida mehmonlar bugungi tinch hayotimizning ortida qancha insonlarning mashaqqatli mehnatlari mavjud ekanligini, yoshlarning vazifasi bu tinchlik va osoyishtalikni qadriga yetish hamda yurtga foydasi tegadigan yetuk mutaxassis bo‘lish, san’atkor sifatida esa bu tuyg’ularni tarannum etish ekanligini ma’lum qildi.

Shuningdek, talaba-yoshlar ham mavzu yuzasidan fikr-mulohazalarini bildirdi hamda mehmonlarga qiziqtirgan savollar bilan murojaat qilib, batafsil javob olishdi.

Bugun O‘zbekiston davlat san’at va madaniyat instituti rektori, professor Nodirbek Sayfullayev rahbarligida kafedralar faoliyatining 2024-yil yakunlari hamda 2025-yilda o‘quv-uslubiy, ilmiy-tadqiqot va ma’naviy-ma’rifiy ishlar samaradorligi hamda ta’lim sifatini yangi bosqichga olib chiqish bo‘yicha amalga oshirilishi rejalashtirilgan vazifalarga bag‘ishlangan kengaytirilgan yigʻilish kunning birinchi yarmida Kino, televideniye va radio san’ati hamda kunning ikkinchi yarmida Kutubxona-axborot faoliyati fakultetlari tarkibidagi kafedralar ishtirokida davom ettirildi.

Tanqidiy va tahliliy o‘tgan yig‘ilishda barcha prorektorlar, fakultet dekanlari va o’rinbosarlari, Kino, televideniye va radio rejissyorligi, Ovoz rejissyorligi va operatorlik mahorati, San’atshunoslik va madaniyatshunoslik, Kutubxona-axborot faoliyati, Ijtimoiy-gumanitar fanlar, Axborot-texnologiyalari, O’zbek va jahon filologiyasi kafedralari mudirlari va professor-o‘qituvchilari ishtirok etdi.

Yig‘ilishda Nodirbek Sayfullayev bunday tartibdagi yig’ilishlardan ko’zlangan asosiy maqsad kelgusi rejalarni aniq belgilab olish, bundan keyin kafedralar faoliyatida qaysi yo’nalishlar ustuvor ahamiyat kasb etadi, bir so’z bilan aytganda bir yil davomida kafedra va ularning a’zolari institut hamda soha rivoji uchun qanday xizmat qiladi degan savollarga javob olish ekanligini, taqdim etilgan istiqbolli rejalar, albatta, kelgusida tahlil qilib borilishini aytib o’tdi.

❗️Kafedra mudirlari quyidagi yo’nalishlar bo‘yicha hisobot va rejalari haqida ma’lumot berdilar.

Darslik, о‘quv qо‘llanmalar yozish va nashr etishga tayyorlash, dunyoning nufuzli OTMlarida о‘quv mashg‘ulotlarini о‘tkazgan professor-о‘qituvchilar, ochiq dars, sinf konsert, va mahorat darslarini о‘tkazganligi, ilmiy unvon olgan professor-о‘qituvchilar, professor-о‘qituvchilarning bilim darajasi (xorijiy tillar va axborot-kommunikatsiya texnologiyalari bо‘yicha), akademik almashuv, Hemis platformasiga fan bо‘yicha kontent joylashtirilganligi, xorij va respublikada malaka oshirganligi, xorijiy va mahalliy jurnallarda ilmiy maqolalar chop etish, patent olish, tezislar va monografiya nashr etish, axborot tahliliy materiallar tayyorlash, ijodiy ishlar yaratish, ilmiy-tadqiqot ishlarini bajarish, falsafa doktori (PhD), fan doktori (DSc) ilmiy darajasini olish uchun dissertatsiya tayyorlaganlar va himoya qilganlar, talabalarning ilmiy-tadqiqot va ilmiy-ijodiy ishlariga hamda fan va ilmiy tо‘garaklariga rahbarlik qilish, professor-о‘qituvchilar nashrlariga iqtiboslar, xalqaro konferensiyalar, seminarlar, ilmiy yoki о‘quv loyihalarida talabalar va professor-о‘qituvchilarning ishtiroki, axborot-kommunikatsiya texnologiyalariga oid dasturlar va elektron ma’lumotlar bazalari uchun olingan guvohnomalar, mualliflik huquqi bilan himoya qilinadigan turli materiallar, xorijiy ilmiy-tadqiqot markazlari grantlari va xorijiy ilmiy fondlar buyurtmalari hisobiga olingan mablag‘lar, sohalar buyurtmalari asosida о‘tkazilgan ilmiy-tadqiqot faoliyatidan olingan moliyaviy mablag‘lar, davlat grantlari asosida о‘tkazilgan ilmiy tadqiqotlardan olingan mablag‘lar, kafedrada faoliyat yuritayotgan professor-о‘qituvchilar о‘rtasida ma’naviy-ma’rifiy tadbirlar, tо‘garaklar faoliyati, professor-о‘qituvchilarning ma’naviy-ma’rifiy va jamoat ishlaridagi tashabbuslari, talabalarni Prezident hamda nomli stipendiyalar va respublika olimpiadalari, tanlovlar hamda musobaqalarga tayyorlash, sport, madaniy-ma’rifiy va ijodiy tadbirlar о‘tkazish.

Ushbu yo‘nalishlarda amalgan oshirilgan ishlar tahlil etilib, kelgusi yil uchun rejalar ko‘rib chiqildi. Qatnashchilarining tavsiya va fikr-mulohozalari tinglandi.

Shuningdek, professor-o‘qituvchilar tomonidan berilgan savollarga institut rektori va prorektorlar tomonidan batafsil javob berildi.

Yig‘ilishga xulosa qilar ekan, Nodirbek Sayfullayev barchamizning oldimizda turgan eng dolzarb vazifa bu talabalarga sifatli ta’lim berish ekanligini ta’kidladi hamda soha rivojiga qaratilgan takliflarni institut vakolati doirasida amaliyotga tadbiq etishga tayyorligini bildirdi.

✔️Bugun kunning ikkinchi yarmida O‘zbekiston davlat san’at va madaniyat instituti rektori, professor Nodirbek Sayfullayev rahbarligida Teatr san’ati fakulteti tarkibidagi kafedralar faoliyatining 2024-yil yakunlari hamda 2025-yilda o‘quv-uslubiy, ilmiy-tadqiqot va ma’naviy-ma’rifiy ishlar samaradorligi hamda ta’lim sifatini yangi bosqichga olib chiqish bo‘yicha amalga oshirilishi rejalashtirilgan vazifalarga bag‘ishlangan kengaytirilgan yigʻilish boʻlib oʻtdi.

Tanqidiy va tahliliy o‘tgan yig‘ilishda barcha prorektorlar, bo‘lim boshliqlari, fakultet dekani, fakultet tarkibidagi kafedralar (Dramatik teatr va kino san’ati, Musiqali teatr san’ati, Estrada va ommaviy tomoshalar san’ati, Qo‘g‘irchoq teatri san’ati, Sahna nutqi, Sahna harakati va jismoniy madaniyat, Vokal) mudirlari va professor-o‘qituvchilari ishtirok etdi.

Yig‘ilish avvalida Nodirbek Sayfullayev 2024-yil 22-noyabr kuni e’lon qilingan “Teatrlarning jamiyat madaniy hayotidagi ahamiyatini oshirish va ular faoliyatini yanada qo‘llab-quvvatlash chora-tadbirlari to‘g‘risida”gi Prezident qarori sohada yangi davrni boshlab berganini, ushbu qaror institut, ayniqsa, Teatr san’ati fakultetining kelgusi faoliyati uchun dasturul amal bo‘lib xizmat qilishini, fakultetning kelgusi rejalari aynan usbu qaror ijrosiga qaratilishi lozimligini, bu hujjat orqali juda ulkan imkoniyatlar yaratilganini va ulardan unumli foydalanish lozimligini ta’kidlab o’tdi.

Har bir kafedra mudiri amalga oshirilgan ishlari va kelgusi rejalari bilan batafsil tanishtirdi. Ularning hisobotlari rahbariyat hamda professor-o‘qituvchilar tomonidan atroflicha muhokama qilinib, kerakli tavsiyalar berib o‘tildi.

Kafedralar faoliyati tanqidiy tahlil qilinib, rejalashtirilgan ammo bajarilmay qolgan ishlarga asosiy e’tibor qaratildi.

Shuningdek, kafedralarning kelgusi faoliyati qay tartibda amalga oshiriladi, qaysi vazifalar ustuvor bo‘ladi, ularning faoliyati qaysi mezonlarga ko‘ra baholanadi hamda kafedra institut va san’at va madaniyat rivoji uchun qanday rejalar va maqsadlarga ega kabi savollarga javob topish hamda muammolarni o‘rganish va yechim topish kabi jihatlar muhokama markazida bo’ldi.

Institut rektori kelgusida Muqimiy nomidagi musiqali teatrida Musiqali teatr san’ati kafedrasining, O’zbekiston davlat Yoshlar teatrida Estrada va ommaviy tomoshalar san’ati kafedrasining filiallarini ochish va talabalaring amaliyot bilan bog ‘liqligini yanada oshirish rejalashtirilayotganini, shuningdek, yuqoridagi qaror asosida talabalarning haftada kamida 2 kun teatrlarda amaliy mashg‘ulotlar olib borishi yо‘lga qо‘yilishi, bu esa institutimiz tayyorlayotgan kadrlar malakasining yanada yuqori bo‘lishiga hissa qo‘shishini aytib o‘tdi.

Ertaga 4-yanvar kuni xuddi shunday yig‘ilishlar Kino, televideniye va radio san’ati hamda Kutubxona-axborot faoliyati fakultetlarida o‘tkazilishi rejalashtirilgan.

O‘zbekiston davlat san’at va madaniyat instituti rektori, professor Nodirbek Sayfullayev rahbarligida Xalq ijodiyoti fakulteti tarkibidagi kafedralar faoliyatining 2024-yil yakunlari hamda 2025-yilda о‘quv-uslubiy, ilmiy-tadqiqot va ma’naviy-ma’rifiy ishlar samaradorligi hamda ta’lim sifatini yangi bosqichga olib chiqish bо‘yicha amalga oshirilishi rejalashtirilgan vazifalarga bag‘ishlangan kengaytirilgan yigʻilish boʻlib oʻtdi.

Tanqidiy va tahliliy o‘tgan yig‘ilishda barcha prorektorlar, bo‘lim boshliqlari, fakultet dekani, fakultet tarkibidagi kafedralar (Madaniyat va san’at menejmenti, Folklor va etnografiya, Milliy qо‘shiqchilik kafedrasi, Cholg‘u ijrochiligi) mudirlari va professor-o‘qituvchilari ishtirok etdi.

Yig‘ilish avvalida Nodirbek Sayfullayev 2024-yil yakunlari bo‘yicha xulosa qilar ekan, bir qancha ijobiy o‘zgarishlar va yangilanishlar bo‘lgani, shu barobarda, bu natijalar institut rahbariyatini to’liq qanoatlantirmasligini, kelgusi 2025-yilda ham institut faoliyatini yanada takomillashtirish, provardida esa yurtimiz san’ati va madaniyati rivojiga munosib hissa qo’shish borasida ulkan reja va maqsadlar bor ekanligini, ularni amalga oshirish uchun ushbu dargohda faoliyat olib borayotgan har bir xodim bir jamoa bo’lib, fidoiylik bilan maqsad sari harakat qilishi lozimligini ta’kidladi.

❗️Kafedra mudirlari quyidagi yo’nalishlar bo‘yicha hisobot va rejalari haqida ma’lumot berdilar.

Darslik, о‘quv qо‘llanmalar yozish va nashr etishga tayyorlash, dunyoning nufuzli OTMlarida о‘quv mashg‘ulotlarini о‘tkazgan professor-о‘qituvchilar, ochiq dars, sinf konsert, va mahorat darslarini о‘tkazganligi, ilmiy unvon olgan professor-о‘qituvchilar, professor-о‘qituvchilarning bilim darajasi (xorijiy tillar va axborot-kommunikatsiya texnologiyalari bо‘yicha), akademik almashuv, Hemis platformasiga fan bо‘yicha kontent joylashtirilganligi, xorij va respublikada malaka oshirganligi, xorijiy va mahalliy jurnallarda ilmiy maqolalar chop etish, patent olish, tezislar va monografiya nashr etish, axborot tahliliy materiallar tayyorlash, ijodiy ishlar yaratish, ilmiy-tadqiqot ishlarini bajarish, falsafa doktori (PhD), fan doktori (DSc) ilmiy darajasini olish uchun dissertatsiya tayyorlaganlar va himoya qilganlar, talabalarning ilmiy-tadqiqot va ilmiy-ijodiy ishlariga hamda fan va ilmiy tо‘garaklariga rahbarlik qilish, professor-о‘qituvchilar nashrlariga iqtiboslar, xalqaro konferensiyalar, seminarlar, ilmiy yoki о‘quv loyihalarida talabalar va professor-о‘qituvchilarning ishtiroki, axborot-kommunikatsiya texnologiyalariga oid dasturlar va elektron ma’lumotlar bazalari uchun olingan guvohnomalar, mualliflik huquqi bilan himoya qilinadigan turli materiallar, xorijiy ilmiy-tadqiqot markazlari grantlari va xorijiy ilmiy fondlar buyurtmalari hisobiga olingan mablag‘lar, sohalar buyurtmalari asosida о‘tkazilgan ilmiy-tadqiqot faoliyatidan olingan moliyaviy mablag‘lar, davlat grantlari asosida о‘tkazilgan ilmiy tadqiqotlardan olingan mablag‘lar, kafedrada faoliyat yuritayotgan professor-о‘qituvchilar о‘rtasida ma’naviy-ma’rifiy tadbirlar, tо‘garaklar faoliyati, professor-о‘qituvchilarning ma’naviy-ma’rifiy va jamoat ishlaridagi tashabbuslari, talabalarni Prezident hamda nomli stipendiyalar va respublika olimpiadalari, tanlovlar hamda musobaqalarga tayyorlash, sport, madaniy-ma’rifiy va ijodiy tadbirlar о‘tkazish.

Ushbu yo‘nalishlarda amalgan oshirilgan ishlar tahlil etilib, kelgusi yil uchun rejalar ko‘rib chiqildi. Qatnashchilarining tavsiya va fikr-mulohozalari tinglandi.

📈Yig‘ilishda ta’kidlanganidek, bugungi uchrashuvdan maqsad kafedralarning kelgusi faoliyati qay tartibda amalga oshiriladi, qaysi vazifalar ustuvor bo‘ladi, faoliyati qaysi mezonlarga ko‘ra baholanadi hamda kafedra institut va san’at va madaniyat rivoji uchun qanday rejalar va maqsadlarga ega kabi savollarga javob izlash hamda muammolarni o‘rganish va yechim topishdan iborat.