Bugun Toshkent shahridagi Turin politexnika universitetida “Universitetlar hamkorligining yangi bosqichi – ikki davlat va jamiyat rivojlanishining muhim omili” mavzusida o‘tkazilayotgan birinchi O‘zbekiston-Italiya ta’lim forumining tantanali ochilish marosimi bo‘lib o‘tdi.

Ochilishda Oliy ta’lim, fan va innovatsiyalar vaziri Qo‘ng‘iratboy Sharipov, Italiya Universitetlar va tadqiqotlar vaziri Anna Maria Bernini va Italiyaning 25 ga yaqin oliy ta’lim muassasasi, shuningdek, mamlakatimizning 40 dan ortiq yetakchi oliygohlari rektorlari qatorida O‘zbekiston davlat san’at va madaniyat instituti rektori, professor Nodirbek Sayfullayev ham ishtirok etdi.

Forum doirasida ikki mamlakat universitetlari o‘rtasida uzoq muddatli hamkorlik aloqalari uchun asos bo‘lib xizmat qiladigan kelishuv va memorandumlar imzolandi.

Shu jumladan, forumda O‘zbekiston davlat san’at va madaniyat instituti rektori, professor Nodirbek Sayfullayev dastlab Italiyaning Bari universiteti Xalqaro munosabatlar bo‘yicha prorektori Alessandro Rubino bilan uchrashdi hamda ikki oliy ta’lim muassasi o‘rtasida hamkorlik memorandumi imzolandi.

Memorandumda ikki oliy ta’lim muassasi o‘rtasida o‘quv jarayonini takomillashtirish, bu borada zamonaviy usullar va o‘qitish tizimlaridan foydalanish bo‘yicha tajriba almashish, mutaxassislar, bakalavrlar, magistrlar, yuqori malakali kadrlar tayyorlash bo‘yicha o‘zaro manfaatli asosda o‘quv-uslubiy materiallar almashish, bakalavr va magistratura yo‘nalishlari bo‘yicha ikki tomonlama ta’lim dasturlarini yo‘lga qo‘yish, talabalar almashinuvini tashkil etish, birgalikda ilmiy-tadqiqot va tajriba-konstruktorlik ishlarini rejalashtirish va amalga oshirish, o’qituvchilar va ilmiy xodimlar uchun ma’ruzalar, seminarlar va konsultatsiyalar tashkil etish, ilmiy tadqiqot ishlarini amalga oshirish, tadqiqot guruhlarini, shuningdek, qo‘shma ilmiy loyihalarni amalga oshirish markazini yaratish va boshqa ko‘plab masalalar qamrab olingan.

Uchrashuv davomida rektor ushbu forum davlatlarimizning keng ko‘lamli aloqalarining ta’lim sohasiga tadbiq etilishi ikki davlat oliy ta’lim muassasalarining kelgusi rivoji uchun ulkan imkoniyat yaratishini qayd etib, bugun o‘rnatilayotgan hamkorlik ikki oliy ta’lim muassasi rivoji uchun muhim ahamiyat kasb etishini ta’kidladi.

Mehmonlar ham yurtimizning boy tarixi, madaniy yutuqlari hamda bugun amalga oshirilayotgan ulkan o‘zgarishlardan boxabar ekanligi, aynan keyingi sakkiz yildagi o‘zgarishlar sabab O‘zbekiston oliy ta’lim muassasalari bilan hamkorlikka jiddiy qiziqayotganlarini qayd etib o‘tishdi.

✅Ma’lumot o‘rnida ushbu universitet Italiyaning Bari shahrida joylashgan. Yevropa Universitetlar Assotsiatsiyasi (EUA) bilan faol hamkorlik qiladi. Xalqaro QS reytingiga 740-o’rinni egallagan. Universitet biotibbiyot va tabiiy fanlar bo’yicha dunyodagi eng yaxshi universitetlardan biridir. THE mustaqil universitetlar reytingida dunyo bo‘yicha 601-o‘rinda qayd etilgan.

Shundan so‘ng kuni kecha institutga tashrif buyurgan Roma Tre universiteti prorektori, professor Anna Liza Tota bilan uchrashuv bo‘lib o‘tdi hamda ikki oliy oliy ta’lim muassasi o‘rtasida hamkorlik bitim imzolandi. Mazkur bitim bilan ikki oliy ta’lim muassasa o’rtasidagi mustahkam hamkorlik uchun asos yaratildi.

Shuningdek, teatr sotsiologiyasi bo‘yicha mutaxassis hisoblangan Anna Liza Tota O‘zbekiston davlat san’at va madaniyat instituti unda juda iliq taassurot qoldirgani hamda kelgusida memorandum doirasida amalga oshiriladigan professor-o‘qituvchilar almashinuvida o‘zi ham ishtirok etib, talabalarga seminar o‘tish istagini bildirdi.

Ma’lumki, joriy yilning 24-27- sentabr kunlari O’zbekiston Respublikasi Vazirlar Mahkamasining «O’zbekiston Respublikasi va Italiya Respublikasi o’rtasidagi kelishuvlarning amalga oshirilishini so’zsiz ta’minlash va strategik sheriklik munosabatlarini yanada mustahkamlash chora-tadbirlari to’g’risida» 2023-yil 25-iyuldagi 311/22-son qarori bilan tasdiqlangan “Yo’l xarita»si hamda «Italiya Respublikasi Prezidentining O’zbekistonga rasmiy tashrifi davomida erishilgan kelishuvlarni amalga oshirish chora-tadbirlari to’g’risida» 2023-yil 29-dekabrdagi 727/11-son qarori bilan tasdiqlangan «Yo’l xarita»sida belgilangan topshiriqlar ijrosini ta’minlash maqsadida birinchi O‘zbekiston-Italiya ta’lim forumi bo‘lib o‘tadi.

Ayni paytda ushbu tadbirda ishtirok etish uchun yurtimizga 20 dan ortiq yetakchi oliy ta’lim muassasalari rektor va prorektorlari tashrif buyurgan.

Bugun O‘zbekiston davlat san’at va madaniyat institutiga forum doirasida yurtimizda bo‘lib turgan Roma Tre universiteti prorektori Anna Liza Tota tashrif buyurdi.

Mehmonlarni qabul qilar ekan institut rektori, professor Nodirbek Sayfullayev, avvalo, ularni yurtimizda ko‘rib turganidan mamnun ekanligini bildirib, bugun O’zbekistonning jahon davlatlari bilan ochiqlik va oshkorlik tamoyillari asosida o‘rnatilgan o‘zaro manfaatli hamkorligi barcha sohalarni qamrab olganini, jumladan, oxirgi 8 yil davomida dunyoning ko‘plab yetakchi oliy ta’lim muassasalari bilan samarali hamkorlik o‘rnatilganini alohida ta’kidladi. Shuningdek, Italiyaning boy san’ati va madaniyatiga yurtimizda qiziqish yuqori ekanligini va bugun o‘rnatilajak hamkorlik dunyoning eng qadimgi taraqqiyot o‘choqlaridan bo‘lgan ikki davlatning madaniy aloqalarini yanada mustahkamlashga hissa qo‘shishiga umid bildirdi.

O‘z o‘rnida, Roma Tre universiteti prorektori Anna Liza Tota ham O‘zbekistonning boy madaniyati va tarixi uni doimo qiziqtirganini, shu ma’noda, bugungi hamkorlikdan juda ulkan natijalar kutayotganini, shuningdek, yurtimizda amalga oshirilayotgan ulkan o‘zgarish va yangilanishlarni Italiya va dunyo jamoatchiligi qatorida katta qiziqish bilan kuzatayotganini ta’kidlab o‘tdi.

Uchrashuvda kelgusida hamkorlik aloqalarini chuqurlashtirish, bakalavr va magistratura yo‘nalishlari bo‘yicha ikki tomonlama ta’lim dasturlarini yo‘lga qo‘yish, talabalar almashinuvini tashkil etish, birgalikda ilmiy-tadqiqot va tajriba-konstruktorlik ishlarini amalga oshirish va boshqa bir qancha muhim masalalar muhokama qilindi hamda Forum doirasida hamkorlik memorandumi imzolashga kelishib olindi.

Ma’lumot o‘rnida, Roma Tre universiteti 1992-yilda tashkil etilgan bo’lib, tez suratlarda rivojlanmoqda. Ushbu ta’lim muassasi yuqori sifatli xalqaro tadqiqotlarni rag’batlantirish va tashkil etish, ilg’or ta’limni rivojlantirish va tarqatish, atrof-muhitni muhofaza qilish, xalqaro birdamlik tamoyillarini qo‘llab-quvvatlaydi.

Farg’ona Musiqali drama teatrida «Xush kayfiyat» ko’rik-tanlovining respublika bosqichi g’oliblarini taqdirlash marosimi bo’lib o’tdi

Taqdirlash marosimida O‘zbekiston madaniyat vazirining birinchi o‘rinbosari Bahodir Ahmedov ishtirok etib, ishtirokchilarni taqdirladi hamda kelgusidagi faoliyatlariga omad tiladi.

O‘zgacha xush kayfiyat bilan o‘tgan ushbu ko‘rik tanlovda havaskor va professional askiyachi, qiziqchi hamda so‘z ustalari o‘z ijod namunalari bilan munosib ishtirok etishdi.

Quvonarli tomoni ushbu musobaqaning Qiziqchilik yo‘nalishida Oʻzbekiston davlat sanʼat va madaniyat instituti Teatr sanʼati fakulteti Musiqali teatr aktyorligi ta’lim yoʻnalishi sirtqi ta’lim 5-bosqich talabasi Bahodir Fozilov 2-o‘rinni egalladi

G‘oliblikni qo‘lga kiritgan ishtirokchilar Madaniyat vazirligi hamda Respublika askiya va qiziqchilik san’ati markazi tomonidan statuetka, diplom, qimmatbaho sovg‘alar hamda pul mukofotlari bilan taqdirlandilar.

Institut jamoasi nomidan Bahodir Fozilovni mazkur yutuq bilan muborakbod etamiz hamda kelgusida bundanda yuqori marralarni zabt etishini tilab qolamiz.

✅Yig‘ilishda 2024/2025-о‘quv yilida talabalarni TTJ va ijara uylari bilan tо‘liq qamrab olinganlik holati, talabalarning haftalik davomati, “FACE ID” tizimi orqali barcha institut talabalarining rо‘yxatdan о‘tganlik holati, institutga 7-8-oktabr kunlari Janubiy Koreyaning Geochang teatr maktabi vakillarining tashrifini tashkil etish va mahorat darslari o’tkazish, 2024/2025-о‘quv yilida qabul qilingan talabalarning hujjatlarini HEMIS tizimida rо‘yxatdan о‘tkazilganlik holati kabi institut hayotiga aloqador bir qator masalalar muhokama qilindi.

❗️Ushbu masalalar yuzasidan mutasaddilarning axborotlari tinglandi hamda barcha mas’ullarga tegishli topshiriqlar berildi.

Yig‘ilish yuzasidan xulosa qilar ekan, institut rektori, professor Nodirbek Sayfullayev talabalaning sifatli ta’lim olishi uchun barchamiz mas’ul ekanligimizni qayd etib, bu borada barchani faolikka va o‘z xizmat vazifasini vijdonan bajarishga chorladi.

“Korrupsiyaga qarshi kurashishda barchamiz mas’ulmiz”

Korrupsiyaga qarshi kurash dunyo miqyosida bugungi kunning eng dolzarb masalalaridan bir boʼlib qolmoqda. Bu illatga qarshi kurash koʼplab mamlakatlarni qamrab olmoqda. Hozirgi paytda respublikamizda korrupsiyaga qarshi kurash doirasida bir qator dasturlar qabul qilindi va ular boʼyicha keng qamrovli ishlar amalga oshirilib kelinmoqda.

Bugun О‘zbekiston davlat san’at va madaniyat institutida “Korrupsiyaga qarshi kurashishda barchamiz mas’ulmiz” shiori ostida davra suhbati bo‘lib o’tdi.

✅Mazkur davra suhbatida Oliy ta’lim, fan va innovatsiyalar vazirligi Korrupsiyaga qarshi kurashish bо‘limi boshlig‘i Mirazim Parmanov, Madaniyat vazirligi Korrupsiyaga qarshi kurashish bо‘limi boshlig‘i Komiljon Raximov, Korrupsiyaga qarshi kurashish agentligi Mas’ul xodimi Miranshoh Rasulov, Jinoyat ishlari bo‘yicha Mirzo Ulug’bek tuman sudining sudyasi Dilnoza Xaliknazarova, Toshkent shahar Adliya boshqarmasi mas’ul xodimi Shaxruz Samiyev, Mirzo Ulug‘bek tumani Ichki ishlar organlari faoliyatini muvofiqlashtirish boshqarmasi Tergov bо‘limi boshlig‘i Zoirjon Saparov va institut mas’ullari ishtirok etdi.

❗️Tadbir avvalida mehmonlarni tanishtirar ekan, Yoshlar masalalari va ma’naviy-ma’rifiy ishlar bo‘yicha birinchi prorektor Shohbek Ergashev bugungi jamiyatda korrupsiyaga qarshi kurash har birimizning yuksak vazifamiz ekanligini, doimo xalq e’tiborida bo‘lgan san’atkor uchun bu mas’uliyat ikki hissa yuqori ekanligini ta’kidladi.

Suhbat davomida mehmonlar korrupsiyaning jamiyat taraqqiyotiga zarari, mamlakatning iqtisodiy, moliyaviy, ijtimoiy xavfsizligiga bevosita taʼsir qilishi, shuningdek, uning huquqiy oqibatlari, korrupsion holatga duch kelganda qay tartibda va qayerga murojaat qilish lozimligi to‘g‘risida batafsil ma’lumot berishdi.

Davra suhbatida ta’kidlanganidek, “Korrupsiyadan xalos boʻlish uchun inson tafakkurini, dunyoqarashini oʻzgartirishimiz, uni stereotiplardan xalos qilishimiz va korrupsiyaga jazoning muqarrarligini tushuntirishimiz kerak”.

❓Shuningdek suhbat yakunida ishtirokchilarni qiziqtirgan barcha savollarga mutasaddilar tomonidan batafsil javob berildi.

Joriy yilning 16-19-sentyabr kunlari Rossiya Federatsiyasining Ufa shahrida Mustaqil Davlatlar Hamdo’stligi ijodiy va ilmiy ziyolilarining XVII forumi bo’lib o’tdi.

“Mustaqil Davlatlar Hamdo‘stligi: umumiy qadriyatlar va madaniyatlar xilma-xilligi” mavzusida bo‘lib o‘tgan ushbu forumda O’zbekiston madaniyat vaziri o’rinbosari Murodjon Majidov rahbarligidagi mamlakatimiz delegatsiyasi tarkibida ishtirok etdik.

Forumning tantanali ochilish marosimi 17 sentyabr kuni “Toratau” kongress holida bo’lib o’tdi.

Shuningdek, Forum doirasida
✅ Hamdo’stlik mamlakatlari ijodiy innovatsiyalari va milliy madaniy an’analari;
✅ MDHda raqamli transformatsiya davrida fan va ta’lim;
✅ Volontyorlik ijtimoiy rivojlanish manbai sifatida: avlodlar o’rtasidagi aloqa;

✅ Hamdo’stlik mamlakatlari ijodiy universitetlari o’rtasidagi o’zaro hamkorlik;

✅ Hamdo’stlik davlatlarining inklyuziv san’ati: hamkorlik shakllari nomli sho‘ba yig’ilishlari tashkil etildi.

“Hamdo’stlik mamlakatlari ijodiy universitetlari o’rtasidagi o’zaro hamkorlik” nomli sho‘ba yig‘ilishida “Madaniyat va san’at sohasida O‘zbekistonning xalqaro aloqalari va munosabatlari” mavzusida ma’ruza qildim. Ma’ruzada bugun Yangi O‘zbekistonning xalqaro maydondagi o‘sib borayotgan roli, xorijiy davlatlar bilan o‘rnatilayotgan madaniy hamkorlik, umuman bugungi o‘zbek san’atining jahondagi o‘rni va ahamiyati, yurtimizda Davlatimiz Rahbari tomonidan san’at va madaniyat sohasi rivojiga qaratilayotgan e’tibor va g‘amxo‘rlik, ushbu sohalarning bugungi taraqqiyoti, istiqbollari, shuningdek, institutda talabalarning sifatli bilim olishlari uchun yaratilgan imkoniyatlar haqida so‘z yuritildi.

Forum dasturida belgilangan tadbirlardan tashqari, Rossiya Federatsiyasi Prezidentining xalqaro madaniy hamkorlik bо‘yicha maxsus vakili Mixail Shvidkoy, Zagir Ismagilov nomidagi Ufa davlat san’at instituti rektori Ilmar Almuxametov, Moskva davlat madaniyat instituti rektori Yekaterina Kudrina va boshqa xorijlik ziyolilar bilan ham uchrashib, mamlakatlarimizda olib borilayotgan ilmiy-ijodiy jarayonlar, amalga oshirilayotgan o‘zgarishlar to’g’risida fikr almashildi, kelgusida birgalikda ilmiy konferensiyalar o‘tkazish, ilmiy tajriba va ilmiy ma’lumotlar almashish, hamkorlikda madaniy tadbirlar о‘tkazish kabi bir qator masalalar muhokama qilindi.

Shuningdek, MDH Yoshlar simfonik orkestri va F.Gaskarov nomidagi Davlat akademik milliy raqs ansamblining konsertlari va boshqa madaniy tadbirlarda ham ishtirok etdik

Xulosa qilib aytganda, mazkur Forumda ko‘plab ziyolilar bilan fikr va tajriba almashdik. MDH davlatlaridagi ijodiy jarayonlar bilan yaqindan tanishdik. Eng muhimi esa yurtimizda so‘ngi yillarda amalga oshirilayotgan keng ko‘lamli islohotlar xorijda ham e’tibor va e’tirof qozonayotganiga guvoh bo‘ldik.

O‘zbekiston davlat san’at
va madaniyat instituti rektori,
professor Nodirbek Sayfullayev

✅Adiblar xiyobonida haykallari qad rostlagan ziyoli yozuvchi shoirlarning hayoti va ijod namunalarini o‘rganish hamda talabalarning bo‘sh vaqtlarini mazmunli o‘tkazish maqsadida O‘zbekiston davlat san’at va madaniyat instituti talabalarining ushbu ma’naviyat maskaniga tashriflari boshlandi.

❗️Bugun Teatr san’ati fakulteti Yoshlar bilan ishlash bo ‘yicha dekan o‘rinbosari Jamshid Sobirov boshchiligida fakultet talaba-yoshlari ishtirokida xiyobonda ma’naviy-badiiy tadbir tashkil etildi.

Tadbir avvalida iste’dodli talabalar buyuk shoir Muhammad Yusuf haykali oldida kitob mushoirasi hamda shoir ijodiga mansub she’rlardan kuy-qo‘shiqlar ijro qildilar.

Shundan so‘ng esa O‘zbekistonda xizmat ko‘rsatgan artist Lola Eltoyeva bilan ijodiy uchrashuv tashkil qilindi. Lola Eltoyeva adabiyot bilan hamnafas bo‘lish ijodkorning ijodiy barkamolligida juda yuksak ahamiyatga ega ekanligi, xususan, Muhammad Yusufning ijodi, nafaqat o‘zbek adabiyoti, balki qo‘shiqchilik san’atida ham alohida bosqichga aylangani, bugun ham qanchadan qancha yoshlar uning she’rini kuyga solib san’at olamiga qadam qo‘yayotganini ta’kidladi hamda barcha yoshlarni kitob o‘qishga, o‘zbek adabiyoti namoyondalari ijodiga ko‘p va xo‘p murojaat qilishga undadi.

O‘z navbatida talabalar ham shoirning she’rlarini yoddan o‘qib berdi hamda eng namunali talabalarga aktrisa tomonidan kitoblar sovg‘a qilindi.

Yoshlar masalalari va ma’naviy-ma’rifiy ishlar bo‘yicha birinchi prorektor Shohbek Ergashev, Ijtimoiy-ma’naviy muhit barqarorligini ta;minlash bo’yicha rektor maslahatchisi Alisher Ishchanov, Institut prafilaktika inspektori Fayzulla Akbarov va talabalar ishtirok etgan mazkur yig‘ilishda, asosiy e’tibor yoshlar o‘rtasida jinoyatchilik, huquqbuzarliklarni oldini olishga qaratildi.

❗️Shuningdek, ichki tartib va odob-axloq qoidalari, talabaning huquq va majburiyatlari, institut hududida tengdoshlari, ustozlari va institut xodimlari bilan bo‘ladigan muomala madaniyati va boshqa masalalar yuzasidan tushuncha berildi.

Bundan tashqari, institutda talabalarni sifatli ta’lim olishlari uchun yaratilgan imkoniyatlar, tashkil etilayotgan sport musobaqalari, boshqa ko‘rik tanlovlar, shuningdek, turli festivallarn ularda ishtirok etish shartlariga ham alohida to’xtalib o‘tildi.

Talabalarni qiziqtirgan barcha savollarga ham batafsil javob berildi.