О‘zbekiston davlat san’at va madaniyat institutida xalqaro aloqalar

О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz

О‘zbekiston Respublikasi Prezidenti Shavkat Mirziyoyevning taklifiga binoan Tojikiston Respublikasi Prezidenti Emomali Rahmon 2019 yil 17 avgust kuni davlat tashrifi bilan mamlakatimizga kelib, ikki davlat о‘rtasida turli sohalarga oid о‘zaro hamkorlik shartnomalari tuzilgandi. Mazkur islohotlar doirasida О‘zbekiston davlat san’at va madaniyat instituti rektori, professor Ibrohim Yuldashev hamda Tojikiston Respublikasi Mirzo Tursunzoda nomidagi Tojikiston davlat madaniyat va san’at instituti rektori Xayritdin Idiyev bilan ta’lim sohasida shartnomalar tuzildi.

О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz
Ayni shu kunlarda, institutga Tojikiston Respublikasi Mirzo Tursunzoda nomidagi Tojikiston davlat madaniyat va san’at institutidan Rajabmad Amirov, Firuz Ulmasov, Nodira Xotamova tashrif buyurishdi. Mazkur tashrifdan kо‘zlangan eng asosiy maqsad ilmiy-ijodiy yо‘nalishlarda hamkorlikni yо‘lga qо‘yish, ilmiy tadqiqotlar, izlanishlar va ijodiy loyihalar, innovatsion dasturlar bо‘yicha о‘zaro aloqalar, madaniyat va san’at sohalarida bakalavriat, magistratura, doktorantura bosqichlarini professional darajada о‘rganish, ustoz-shogird an’analarini yо‘lga qо‘yish, о‘zaro xalqaro konferensiyalar va forumlar о‘tkazish kabi qator maqsadlar belgilangan. Institut Ilmiy-ishlar va innovatsiyalar bо‘yicha prorektori Gо‘zal Xalikulova boshchiligida mutaxassislar oliy ta’lim muassasasining turli kafedralari faoliyati, ilmiy stajirovkalar, ijodiy jarayonlar, shu bilan birga, malaka oshirish tarmoq markazi faoliyati bilan yaqindan tanishishmoqda.

О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz
Bugun 18 fevral kuni “San’atshunoslik va madaniyatshunoslik” kafedrasi professor-о‘qituvchilari Muhabbat Tо‘laxо‘jayeva, Sarvinoz Qodirova, Ma’mur Umarov, Saboxat Xaytmatova, Baxtiyor Yakubov, Faxriddin Abduvohidov, Matluba Isoqova tojikistonlik mutaxassislar Rajabmad Amirov, Firuz Ulmasov bilan uchrashishdi.
Mazkur uchrashuvda san’atshunoslik ilmini rivojlantirish haqida bahs-munozarali suhbat bо‘lib о‘tdi.

О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz

Pedagog olimlar hozirda mamlakatimizda ilm-ma’rifatga yuksak e’tibor berilayotgan bir davrda yosh san’atshunos kadrlarni yetishtirish, san’atshunoslik spetsifikatsiyasi, xoreografiya, kinoshunoslik, tanqid va tahlil metodlari, о‘zaro hamkorlik aloqalarini yaxshilash borasida takliflar о‘rtaga tashlandi. Tojikistonlik mutaxassislar О‘zbekiston davlat san’at va madaniyat instituti san’atshunos professor-о‘qituvchilarini shartnoma asosida ishga ham taklif qilishdi. Madaniyat va san’at sohalari ilmini rivojlantirish, san’at nazariyasi, tanqidi va tahlili masalalari о‘rganildi, san’atshunoslik bо‘yicha tahsil olayotgan talabalarning mutaxassislik fanlari, mavzulari muhokama qilindi. Ayniqsa, oliy ta’lim muassasasida tahsil olayotgan talabalarning rus tilini о‘rganishi, san’atshunoslik ilmida rus tilidagi ilmiy, badiiy adabiyotlardan foydalana olishi, jahon standartlariga tо‘la mos ravishda kadr bо‘lib yetishishi masalalari ilgari surildi.

О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz
Shuningdek, ta’limdagi ayrim kamchiliklar, ilg‘or jahon tajribasini о‘rganish, yangi innovatsion loyihalarni ta’lim jarayonlariga kо‘proq tadbiq etish, о‘zaro hamkorlik aloqalarini keng yо‘lga qо‘yish takliflari о‘rtaga tashlandi.
Tojikistonlik mutaxassislarning tashrifi hali davom etadi. Oldinda ijodiy ta’lim yо‘nalishlarning faoliyatini о‘rganish, ijodkor yoshlar bilan qizg‘in uchrashuvlar, mahorat darslari, seminar-treninglar kutmoqda. Xalqaro aloqalar rivojlanaversin!

О‘zbekiston davlat san’at va madaniyat instituti
Matbuot xizmati

image_pdfimage_print