“Qо‘g‘irchoq teatr san’ati” kafedrasi

“Qо‘g‘irchoq  teatr san’ati” kafedrasi
Kafedra mudiri:
Katta о‘qituvchi: Abduxalilov A’zamjon Abdullaxanovich

  Har ish kuni soat:14:00-17:00
  xizmat telefon raqami: 71 230 28 37

 

 

 

Kafedra qisqa tarixi


“Qо‘g‘irchoq teatri san’ati”kafedrasi 1974 yil Ostrovskiy nomidagi Toshkent teatr va rassomchilik institutining hozirda (О‘zbekiston Davlat san’at va madaniyat instituti) drama kafedrasi qoshida tashkil etildi.

Kafedra tashkil qilingandan buyon kafedrada mudirlik qilgan professor va о‘qituvchilar: 1978 yildan 1983 yilgacha professor V.S.Iogelsen, 1983 yildan 1985 yilgacha kafedra mudirligi vazifasini bajaruvchi B. M. Saidova, 1986 yildan 1989 yilgacha kafedra mudirligini vaqtincha N. G. Krilova, 1989 yildan 2002 yilgacha M.X.Ashurova, 2002 yildan 2004 yilgacha SH.Xayitboyev, 2004 yildan 2006 yilgacha F.Xо‘jayev, 2006 yildan 2012 yilgacha О‘zbekistonda xizmat kо‘rsatgan artist SH. Yusupov, 2012 yildan 2015 yilgacha D.Abdullayev, 2015 yildan 2016 yilgacha M.X.Ashurova, 2016 yildan kafedra mudiri etib A.Abduxalilov tayinlandi. 2000 yildan boshlab “Qо‘g‘irchoq teatr san’ati” kafedrasi magistratura bо‘limiga talabalarni о‘qishga qabul qila boshlandi. Hozirda magistr talabalar bitirib, kafedra о‘qituvchilari yordamida о‘z pedagogik faoliyatlarini rivojlantirib, kafedraning ijodiy yо‘nalishini rivojlantirish uchun astoydil mehnat qilmoqdalar.

2005-yilda M.Uyg‘ur nomidagi Toshkent davlat san’at institutiga Davlat maqomi berildi. 2012-yilda prezidentimizning P/F -1771- sonli farmoni bilan О‘zbekiston davlat san’at instituti va A.Qodiriy nomidagi Toshkent madaniyat institutlari negizida О‘zbekiston davlat san’at va madaniyat instituti tashkil etildi. Ikki san’atimiz va madaniyatimizning targ‘iboti bilan shug‘ullanuvchi bu dargoxlarni birlashuvi kadrlar tayyorlash milliy dasturining yana bir yutug‘i bо‘lib xizmat kildi. Avvalgi A.Qodiriy nomidagi Toshkent madaniyat instituti joylashgan xududda hozirda nafaqat Respublikimizda, balki dunyo mamlakatlari orzu qilishiga arzigulik bino qad rosladi. Bu dargohlarni bir yaxlitga aylantirish bilan mavjud yо‘nalishlarni yana qayta о‘rganib, maslakdosh kafedralarni birlashtirish natijasida 3 ta fakultet tashkil etildi. “Teatr san’ati”, “Kino,televideniye va radio san’ati”, “Xalq ijodiyoti” deb nomlanib, har biri ixtisoslik va mutaxassisligi muvofiqlashgan kafedralarni о‘z ichiga oldi. Jumladan “Qо‘g‘irchoq teatri san’ati” kafedrasi ham “Teatr san’ati” tasarrufida bо‘lib, unda “Qо‘g‘irchoq teatri aktyorligi”. “Qо‘g‘irchoq teatr rejissyorligi”, xamda “Kasbiy ta’lim qо‘g‘irchoq teatri aktyorligi” kabi ta’lim yо‘nalishlarida oliy toifali mutaxassislar tayyorlanmokda.

Har bir mutaxassislik auditoriyalari yuqori texnikalar bilan ta’minlangani ayniqsa e’tiborli. Bugungi texnika davrini har qanday mutaxassisni chin ma’noda lol qoldirar darajadagi ushbu texnikalar bilan tо‘g‘ridan – tо‘g‘ri professional spektakllar ishlash mumkin desak mubolag‘a emas. Chunki qо‘g‘irchoq teatrlarida spektakllar ishlash uchun muxim texnik jihozlar institutimizdagi har bir auditoriyada mavjud bо‘lib, jahonning nomdor firmalari maxsuloti о‘rnatilgan. Yana “Qо‘g‘irchoq teatri san’ati” kafedrasida “Qо‘g‘irchoq yasash texnologiyasi”ni о‘rgatish bilan bog‘liq predmet о‘qitiladi. Ushbu fan ham mutaxassislik predmeti bо‘lgani uchun aynan uni о‘rgatish bilan bog‘liq zaruriy jihozlar о‘rnatilgan maxsus ustaxona faoliyat yuritmoqda. Qо‘g‘irchoqlarni yasashga kerakli jarayonni tо‘la о‘tishdek imkoniyatni beruvchi sharoitlar tashkil etilgan ushbu ustaxonada, ularni liboslarini tikish uchun ikkita kо‘p funksiyali tikuv mashinasi ham о‘rnatilgan. Albatta yuksak malakali pedagoglar bilan bir safda bugunning qо‘g‘irchoq teatri talablariga hamoxang texnologiyasini puxta egallagan yosh rassom va dizaynerlar jalb etilgan.

Bakalavriat ta’lim yо‘nalishlari rо‘yxati:


  • 5150300 – Aktyorlik san’ati (Qо‘g‘irchoq teatr aktyorligi)

 

Magistratura mutaxassisliklari rо‘yxati:


  • Mavjud emas.

 

Kafedrada о‘qitiladigan fanlar:


  1. Aktyorlik mahorati
  2. Qо‘g‘irchoq boshqarish asoslari
  3. Qо‘g‘irchoq yasash texnologiyasi
  4. Qо‘g‘irchoq konstruksiyasi
  5. Multiplikatsiya asoslari
  6. Qо‘g‘irchoq teatr rejissurasi
  7. Qо‘g‘irchoq teatrida obraz ustida ishlash
  8. Saxna texnikasi va texnologiyasi

 

Kafedraning professor-о‘qituvchilarining tarkibi:


  1. Ashurova Maryam Xamidovna – professor v.b., О‘zbekistonda xizmat kо‘rsatgan yoshlar murabbiysi
  2. Yusupova Venera Ismetovna – dotsent v.b.
  3. Xodjayev Fatxulla Ubayevich – dotsent v.b., О‘zbekistonda xizmat kо‘rsatgan artist
  4. Atabayev Alimdjan Jumanazarovich – dotsent v.b., II darajali “Sog‘lom avlod uchun” medali
  5. Qurbonov Anvar – katta о‘qituvchi
  6. Usmanova Lola Djurayevna – о‘qituvchi
  7. Mamatqulov Bexzod Maxamadismon о‘g‘li – о‘qituvchi
  8. Ostanina Olga Anatolyevna – о‘qituvchi

 

Kafedrada bajarilayotgan davlat va chet el grantlari:


  1. Mavjud emas.

 

Kafedraning ilmiy ishlari (oxirgi 5 yilda chiqarilgan darsliklar, monografiyalar va о‘quv qо‘llanmalar rо‘yxati):


  1. D.Abdullayev, L.Usmanova “Qо‘g‘irchoq boshqarish asoslari” (Qо‘g‘irchoq teatri san’atida simli qо‘g‘irchoq) – о‘quv qо‘llanma

 

Kafedraning ilmiy ishlari (oxirgi 5 yilda chiqarilgan darsliklar, monografiyalar va о‘quv qо‘llanmalar rо‘yxati):


Kafedra 6 ta san’at kollejlari bilan xamkorligi mavjud. Ular quyidagilardir:

  1. Respublika estrada – sirk kolleji
  2. Toshkent madaniyat kolleji
  3. Samarqand san’at kolleji
  4. Namangan san’at kolleji
  5. Andijon san’at kolleji
  6. Farg‘ona san’at kolleji

 

Kafedraning xalqaro hamkorligi:


  1. Mavjud emas.

 

Kafedraning korxona va tashkilotlar bilan aloqalari:


Respublikamizdagi 10 ta viloyat qо‘g‘irchoq teatrlari bilan kafedra ijodiy hamkorlikni yо‘lga qо‘ygan va shartnoma imzolangan.

  1. О‘zbekiston davlat qо‘g‘irchoq teatri
  2. Andijon viloyati davlat qо‘g‘irchoq teatri
  3. Farg‘ona viloyat davlat qо‘g‘irchoq teatri
  4. Jizzax viloyat davlat qо‘g‘irchoq teatri
  5. Samarqand viloyat davlat qо‘g‘irchoq teatri
  6. Buxoro viloyat davlat qо‘g‘irchoq teatri
  7. Surxondaryo viloyat davlat qо‘g‘irchoq teatri
  8. Qashqadaryo viloyat davlat qо‘g‘irchoq teatri
  9. Xorazm viloyat davlat qо‘g‘irchoq teatri
  10. Qoraqolpog‘iston respublikasi davlat qо‘g‘irchoq teatri
image_pdfimage_print