“Milliy qо‘shiqchilik” kafedrasi

“Milliy qо‘shiqchilik” kafedrasi
Kafedra mudiri:
Elov Mirshod Raxmonqulovich

  qabul vaqti Dushanba, Chorshanba, Juma: 9:00 – 14:00
  xizmat telefon raqami: 71 230 28 59
📧  e-mail: mirshodelov@yahoo.com

 

 

Kafedra qisqa tarixi


2016 yilda O`zbekiston davlat san`at va madaniyat instituti “Xalq ijodiyoti” fakulteti negizida “Milliy qo‘shiqchilik” kafedrasi tashkil etilgan bo`lib, hozirgi kunda kafedraga o‘qituvchi Elov Mirshod Raxmonqulovich rahbarlik qilmoqda.
Kafedra negizida 5151600-Xalq ijodiyoti (Xalq ashula va raqs ansambllariga rahbarlik), 5151600-Xalq ijodiyoti (ashula va raqs) ta’lim yo‘nalishlari va 5A151601-Xalq ijodiyoti (ashula va raqs) magistratura mutaxassisligi mavjud.
Mazkur kafedrada tayyorlanayotgan kadrlarga quyidagi asosiy fanlar bo‘yicha ta’lim beriladi:

  • ashulachilar ansambli;
  • sozandalar ansambli;
  • yakkaxon qo‘shiqchilik;
  • badiiy jamoalar bilan ishlash uslubiyoti;
  • cholg‘u ijrochiligi;
  • dirijyorlik
  • Ashula va raqs ansambllari bilan ishlash amaliyoti kabi predmetlardan ma’ruza, amaliy, yakka va guruhli mashg’ulotlar o‘tkazilib, talabalar o‘z bilimlarini oshirib, badiiy mahoratlarini amaliy hamda nazariy jihatdan mustahkamlamoqdalar.

“Milliy qo‘shiqchilik” kafedrasi respublikamizda faoliyat ko‘rsatayotgan badiiy jamoalar va turli madaniy-ma’rifiy muassasalar uchun “Xalq ashula va raqs ansambllariga rahbarlik”, “Ashula va raqs” kabi mutaxassis kadrlar tayyorlanmoqda. Bu kabi ixtisoslik va mutaxassisliklar bo‘yicha kadrlarni tayyorlashda respublikamizning taniqli mutaxassis olimlari va tajribali murabbiylari, professorlar, O‘zbekiston Respublikasi san’at arbobi Jo‘ra Shukurov, Toxir Yо‘ldoshev, dotsentlardan O‘zbekiston Respublikasi xalq hofizlari Beknazar Do‘stmurodov, Orolmirzo Safarov, Mashrabjon Ermatov, O‘zbekiston Respublikasi xalq artisti O‘lmas Rasulov, O‘zbekistonda xizmat ko‘rsatgan artist Ahmadjon Dadayev, Mansur Mamirov, katta o‘qituvchi O‘zbekistonda xizmat ko‘rsatgan artist Komiljon Mirzayev, o‘qituvchilardan Gulshan Umarova, “Nihol” davlat mukofoti sovrindori Baxodir Sayidov, O‘ktam Rasulov, Shuhrat Almatov, Nuriddin Xolboyev, Zaynab Xudoyorova, Nigora Arzimurodova, Naruz Sobirov, Bashorat Tо‘raboyeva, Shuhrat Xolxо‘jayev kabi mutaxassislar ta’lim berib kelmoqdalar.

Xalqimizning ulkan ma’naviy xazinalaridan sanalmish xalq musiqa merosi va bastakorlar asarlari bilan yosh avlodni tanishtirish ularni milliy an’analarga cheksiz hurmat ruhida tarbiyalash va bugungi kun jahon andozalarga mos o‘quv adabiyotlar dasturlari hamda zamonaviy texnik vositalar asosida ko‘zda tutilgan mutaxassis kadrlarni tayyorlash “Milliy qo‘shiqchilik” kafedrasining tub maqsadlaridan biri hisoblanadi. Bu bo‘lim talabalari faqat o‘zbek xalq musiqa merosining nazariy bilimlarini egallabgina qolmay, balki, keyinchalik respublikada Bolalar musiqa va san’at maktablarida o‘quv jarayonini tashkil etish, madaniyat va aholi dam olish markazlarida ashula va raqs badiiy jamoalariga rahbarlik qilish va shu yo‘nalishdagi tadbirlarni uyushtiruvchi safida ham faoliyat ko‘rsatish uchun mahoratlarini oshirmoqdalar.

Bugungi kunda kafedra qator O‘zbekiston badiiy jamoalar ijodiy birlashmasi, Xalq ijodiyoti va madaniy-ma’rifiy ishlar Respublika ilmiy-metodik markazi va ilmiy-tadqiqod muassasalari bilan doimiy hamkorlik olib bormoqda.

Kafedra pedagoglari ilmiy ishlar qatorida ijodiy faoliyat bilan ham shug‘ullanadi. Buning natijasida ular tomonidan chop etilgan ilmiy ishlar bilan bir qatorda konsert dasturlarini tayyorlab institutda va undan tashqarida, shuningdek televideniye va radio orqali muntazam ravishda chiqishlari tashkil etilmoqda, radio fondiga yangi asarlar yozilmoqda. Kafedrada yoshlar orasidan iqtidorlilarini tanlab ular bilan alohida mashg‘ulotlar o‘tkazish, ularni turli festival va tanlovlarga tayyorlash, radio, televideniye va boshqa ommaviy axborot vositalari orqali targ‘ib etish ishlari ham yaxshi yo‘lga qo‘yilgan.

image_pdfimage_print