“Informatika va tabiiy fanlar” kafedrasi

“Informatika va tabiiy fanlar” kafedrasi
Kafedra mudiri:
Xudoyberdiyev Sahobiddin

  qabul vaqti dushanba, seshanba, payshanba: 9:00 – 14:00
  xizmat telefon raqami: 71 230 28 49
📧  e-mail: sakho@mail.ru

 

 

Kafedra qisqa tarixi


«Informatika va tabiiy fanlar» kafedrasi 2012-yil 30-avgustdagi O’zbekiston Davlat san’at va madaniyat instituti rektorining buyrug`i va institut Ilmiy kengashi qaroriga binoan tashkil topdi.

“Informatika va tabiiy fanlar” kafedrasi “Xalq ijodiyoti” fakulteti qoshida faoliyat olib boruvchi umumiy kafedralar qatoridan o‘rin egalagan. Kafedra institutning “C” o‘quv binosining 2-qavatida C2-6 xonada joylashgan. Kafedra tassarufida zamonaviy kompyuterlar va multimediya o‘quv texnik qurilmalar bilan jixozlangan 6 ta auditoriyalar mavjud. Informatika va boshqa fanlar bo‘yicha to‘laqonli ta’lim berish jarayonini tashkil etish uchun kafedrada bir qator kompyuter dasturlari ishlab chiqilgan va talabalar uchun elektron darsliklar hamda o‘quv qo‘llanmalar yaratish rejalashtirilmoqda.

Ta’lim yo‘nalishi: kafedrada bakalavriat va magistraturaning barcha ta’lim yo‘nalishlarida mashg‘ulotlar olib boriladi. Mashg‘ulotlar Oliy va o‘rta maxsus ta’lim vazirligi tomonidan tasdiqlangan “fanning o‘quv dasturi” asosida ishlab chiqilgan va institut ilmiy kengashi tomonidan tasdiqlangan o‘quv ishchi reja asosida olib boriladi.

Institut professor o‘qituvchilarining kompyuter va uning texnik-dasturiy ta’minoti boyicha savodxonlik darajasini oshirish maqsadida har yili Institut ilmiy kengashi tomonidan belgilangan vaqtda “Ta’limda axborot texnologiyalari” fani boyicha darslar olib boradi.

Shuningdek kafedra qoshida barcha yo’nalishdagi bakalavr talabalari uchun “San’at va informatika” nomli to‘garak faoliyat olib boradi.

Kafedrada о‘tiladigan fanlar rо‘yhati:


  • San`at ta`limida axborot texnologiyalari;
  • Kompyuter grafikasi;
  • C++ dasturlash;
  • Ekologik madaniyat;
  • Axborot xavfizligi;

 

Kafedra Professor-о‘qituvchilar rо‘yhati:


  • Xudoyberdiyev S. A. – kafedra mudiri;
  • Xotamov A. – dotsent;
  • Zokirov Z. – katta ilmiy xodim;
  • Tillashayxova M. – katta o`qituvchi;
  • Samigova G. – katta o`qituvchi;
  • Kurbanova A. – o`qituvchi;
  • Mamadaliyev K. – o`qituvchi;

 

Kafedraning ilmiy va amaliy faoliyati:


Kafedra professor-o‘qituvchilari quyidagi ikki yo‘nalishda ilmiy-taqdiqot ishlari olib boradi:

  1. San’at ta’lim tizimida axborot kommunikatsion texnologiyalarni qo‘llashning aktual muammolari va yechimlari;
  2. “San’an ta’limida axborot texnologiyalari” fanini o‘rgatishda zamonaviy pedagogik texnologiyalaridan foydalanishning muammolari va yechimlari.

Bu yo‘nalishlarda kafedra a’zolari so‘nggi yillarda xalqaro va respublika miqyosidagi ilmiy jurnallarda, ilmiy-amaliy konferensiyalarda 150 dan ortiq ilmiy maqolalar va tezislar e’lon qildi.

Shuningdek, kafedra professor o‘qituvchilari tomonidan oxirgi yillarda bir qancha o‘quv va o‘quv uslubiy qo‘llanmalar chop etildi. Jumladan:

  • Xudoyberdiyev S.A. Informatika va axborot texnologiyalari. // O‘quv uslubiy qo‘llanma. –Toshkent: 2015
  • Tillashayxova M.A. Masofaviy ta`limda axborot-kommunikatsiya texnologiyalarini samarali qo‘llashning nazariy-uslubiy asoslari. // Monografiya. – Toshkent: “Fan” nashriyoti, 2015
  • Otaboyev Sh.T., Xatamov A.A., S.G.Sherimbetov. Ekologik madaniyat va tarbiya. // O‘quv qo‘llanma. –Toshkent: “Adabiyot uchqunlari” nashriyoti, 2016
  • Tillashayxova M.A., Samigova G.A., Kurbanova A.T. San’atda kompyuter grafikasi// O‘quv qo‘llanma. –Toshkent: “Adabiyot uchqunlari” nashriyoti, 2018.

Kafedra respublikamizdagi oliy ta’lim maskanlari Al-Xorazmiy nomidagi Toshkent axborot texnologiyalari universiteti, O‘zbekiston milliy universiteti, O‘zbekiston fanlar akademiyasi yadro fizikasi instituti bilan, shuningdek Gresiyaning Patrass universiteti hamda Belgiyaning Antverpen telekommunikasiya maktabi bilan hamkorlik aloqalari o‘rnatgan.

“Informatika va tabiiy fanlar” kafedrasi

“Informatika va tabiiy fanlar” kafedrasi

“Informatika va tabiiy fanlar” kafedrasi
“Informatika va tabiiy fanlar” kafedrasi

“Informatika va tabiiy fanlar” kafedrasi

 

 

 

image_pdfimage_print