“SAN’AT MENING TAQDIRIMDA”

“SAN’AT MENING TAQDIRIMDA”

Mehridaryo insonlar doimo kasbi va mehnati ila qalblarda mangu yashaydi. Samimiy va kamtarin inson, о‘z ustozlarining ezgu ishlarini sharaf bilan davom ettirgan sadoqatli pedagog va yuzlab shogirdlar dilini munavvar tuyg‘ular ila nurafshon etgan mehridaryo murabbiy Adiba Nosirovaning “San’at mening taqdirimda” nomli kitobi taqdimoti poytaxtimizdagi “City Palace ” mehmonxonasida bо‘lib о‘tdi.

О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz
О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz

Inson hayotining mazmuni ham har bir giyoh, har bir jonzotni о‘z suvi bilan bahramand etguvchi ulug‘ daryo misol el-yurt xizmatida bо‘lish va kishilarning kо‘ngil mulkini obod qilib, ezgu ishlarni amalga oshirish orqali xalq dilidan joy olib, mangu qadrli bо‘lib qolish bilan belgilanadi. Zero, ana shunday pokiza kо‘ngil sohibasi bо‘lganligi tufayli hamkasblari, qavmu qarindoshlari, mahalladoshlari-yu yuzlab shogirdlari qalbida о‘chmas iz qoldirgan insonlardan biri – xassos olima va fidoyi ustoz, pedagogika fanlari nomzodi, professor Adiba Mansurovna Nosirovadir.

О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz
О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz

О‘zining butun hayoti mobaynida talabalarga saboq berish orqali madaniyat va san’at sohasi uchun yetuk malakali kadrlar bilan ta’minlashdek mashaqqatli, ammo g‘oyat sharafli ish bilan mashg‘ul bо‘lgan Adiba opa Nosirova haqida ushbu satrlarni yozar ekanman, kо‘z о‘ngimda xalq badiiy ijodini targ‘ib etishni о‘z umrining mazmuni deb bilgan kamtarin, samimiy, bag‘rikeng va о‘z ishiga о‘ta mas’uliyatli inson qiyofasi gavdalanadi. Men Adiba opaning о‘zlarini bevosita tanimasdan ancha ilgarirok ularning madaniyat muasasalarida xalq о‘yinlaridan foydalanishning nazariy masalalariga doir ilmiy maqolalarini о‘qigan edim. О‘tgan asrning 90-yillari boshlarida taniqli folklorshunos olim, filologiya fanlari doktori, professor G‘ayrat Jalolov meni Toshkent davlat madaniyat instituti (hozirgi О‘zbekiston davlat san’at va madaniyat instituti)ning о‘zi rahbarlik qilayotgan “Ommaviy bayramlar rejissurasi” kafedrasiga soatbay asosda dars berishga chaqirdilar. Ana shu taklif sababli mazkur oliy bilim dargohida talabalarga saboq beradigan kо‘pgina fidoyi olimlar – Malik Murodov, Xudoybergan Egamov, Baxtiyor Sayfullayev, Saodat Yо‘ldosheva, Adiba Nosirova, Tilovqul Ashurovlarning mahorat darslarida ishtirok etish imkoniga ega bо‘ldim. Ayniqsa, nihoyatda kamtarin, samimiy va mehri daryo muallima Adiba opaning о‘z kasbiga fidoyiligi, kim bо‘lishidan qat’i nazar, har qanday kishiga mehribonlik kо‘rsatishi, о‘z fanini g‘oyat puxta bilishiga qoyil qolganman. U kishi bilan bir necha marta madaniyat muasasalarida ommaviy tadbirlarni tashkil etish metodologiyasi va о‘yin madaniyatining yosh avlod ma’naviy kamolotidagi о‘rni xususida suhbatlashganmiz. Ana shunda men Adiba Mansurovnaning chin ma’noda kitobxonligi va kitobsevarligini kashf etganman. U о‘zi о‘qitadigan “Sahna nutqi”, “Notiqlik san’ati”, “Nutq madaniyati”, “Jonli sо‘z san’ati” kabi fanlarga oid adabiyotlarni hatto Moskva, Kiyev kabi shaharlarning kutubxonalaridan bо‘lsa-da, olib о‘qir ekan.
Kitob taqdimotida professor-olimlar Abduhalil Mavrulov, Azamat Haydarov, Gо‘zal Xoliqulova, О‘zbekiston xalq artistlari Erkin Komilov. Rixsi Ibrohimova, Turg‘un Azizov va boshqa san’at va madaniyat vakillari ishtirok etishib, professor olima haqida iliq fikrlarni bildirishdi.

О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz
О‘ZDSMI – О‘ZBEKISTON DAVLAT SAN’AT VA MADANIYAT INSTITUTI/dsmi.uz

Adiba Nosirova о‘zinin noyob va nozik sohasi bilmlaridan tashqari jahon adabiyoti va mumtoz musiqaning ham yuksak bilimdoni hamdir. Uning porloq xotirasi qalbimizda mangu yashaydi.

О‘zbekiston davlat san’at va madaniyat instituti
Matbuot xizmati

image_pdfimage_print